रसुवागढी र साञ्जेनको साधारण शेयर : तीन लाख १७ हजारको आवेदन
इन्द्र रिजाल
बैशाख १४, २०७६ आइतबार २:४२:४०
काठमाडौं । जनताको जलविद्युत् कार्यक्रममा समावेश गरेको रसुवागढी र साञ्जेन जलविद्युत् कम्पनीको साधारण शेयरमा सर्वसाधारणले उत्साहपूर्ण सहभागिता जनाएका छन् ।
चिलिमे जलविद्युत् कम्पनीका दुई सहायक कम्पनीले सर्वसाधारणलाई बिक्री गरेको शेयरमा रु तीन करोड बढीको आवेदन परेको हो ।
चिलिमे जलविद्युत् कम्पनीका प्रमुख कार्यकारी अधिकृत माधव कोइरालाका अनुसार दुई वटा कम्पनीको साधारण शेयरमा रु तीन करोड १७ लाख बराबरको आवेदन परेको हो ।
रसुवागढीको शेयरमा तीन लाख सात हजार आवेदकले एक करोड ४१ लाख कित्ताका लागि आवेदन दिएका छन् । रसुवागढीले रु एक अर्ब दुई करोड ६३ लाख १५ हजार बराबरको एक करोड दुई लाख ६३ हजार १५० कित्ता शेयर बिक्री गरेको थियो ।
यस्तै साञ्जेन जलविद्युत् कम्पनीले रु ५४ करोड ७५ लाख बराबरको ५४ लाख ७५ हजार कित्ता साधारण शेयर बिक्री गरेको थियो । त्यसमा कम्पनीका कर्मचारी र सामूहिक लगानी कोषलाई छुट्याएर रसुवागढीले ९३ लाख ३९ हजार ४६७ कित्ता शेयरका लागि आवेदन माग गरेको थियो ।
कोइरालाका अनुसार साञ्जेनको शेयरमा तीन लाख चार हजार २१४ आवेदकले रु एक करोड ४१ लाख ४१ हजार ७५० कित्ता शेयरमा आवेदन दिएका छन् । दुईवटै कम्पनीको शेयरमा छ लाख बढी आवेदकले आवेदन दिएका छन् । सम्पूर्ण विवरण तयार पार्न केही दिन लाग्ने भएकाले आगामी साता शेयरको बाँडफाँट हुने सम्बन्धित कम्पनीले जनाएका छन् ।
जनताको जलविद्युत् कार्यक्रममा समावेश गरिएका ती आयोजनामा सभामुख कृष्णबहादुर महरा, ऊर्जा जलस्रोत तथा सिँचाइमन्त्री वर्षमान पुनलगायतले आवेदन दिएका छन् । उत्साहपूर्ण तरिकाले लगानीकर्ताले शेयर खरीद गरेको भन्दै चिलिमे जलविद्युत् कम्पनीका प्रमुख कार्यकारी अधिकृत कोइरालले आफूलाई हर्षित तुल्याएको प्रतिक्रिया दिए ।
जानकारहरुका अनुसार रसुवागढी जलविद्युत् कम्पनीको शेयरमा आवेदन गर्नेलाई ३० कित्ता शेयर पर्नसक्ने देखिएको छ । यस्तै साञ्जेन जलविद्युत् कम्पनीको साधारण शेयरमा लगानी गर्नेले २० कित्ता शेयर पाउन सक्ने देखिएको छ ।
आम नेपालीलाई जलविद्युत्को शेयर प्रदान गरी आर्थिक समृद्धिको मार्गमा अगाडि बढाउने लक्ष्यका साथ ऊर्जा, जलस्रोत तथा सिँचाइ मन्त्रालयले जनताको जलविद्युत् कार्यक्रममा समावेश गरेको हो ।
त्यसअघि माथिल्लो त्रिशूली थ्री बी जलविद्युत् कम्पनीको साधारण शेयरमा समेत लगानीकर्ताले उल्लेख्य सहभागिता जनाएका थिए ।
रसुवामा निर्माणाधीन रसुवागढीको भौतिक प्रगति ७० प्रतिशत र माथिल्लो साञ्जेनको भौतिक प्रगति ७७ प्रतिशत र साञ्जेनको प्रगति ७० प्रगति भएको छ ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपसाताको पहिलो कारोबार दिन नेप्से ओरालो यात्रामा
बैशाख २३, २०८१ आइतबार
आज शेयरबजार सँगै बैंक–वित्तीय संस्था पनि बन्द
बैशाख १९, २०८१ बुधबार
नेप्से दोहोरो अंकले बढ्यो, दुई कम्पनीको शेयरमा सकारात्मक सर्किट
बैशाख १८, २०८१ मंगलबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
वर्षासँगै काठमाडौंको प्रदूषण कम हुँदै, ५० औँ स्थानमा सूचीकृत
नेपालबहस संवाददाता
बैशाख ३०, २०८१ आइतबार
बारामा चोरी सिकारी समूह सक्रिय, वन कार्यालय छेउमै हरिणको सिकार
बैशाख ३१, २०८१ सोमबार
आखिर कहाँबाट भयो ब्रह्माण्डको उत्पत्ति ? जहाँ केही पनि छैन, त्यहीँ सबथोक छ
बैशाख ३१, २०८१ सोमबार
नीति तथा कार्यक्रमः बैंक, वित्तीय संस्था र सहकारीका समस्या समाधान गरिने
जेठ १, २०८१ मंगलबार
आउँदो आर्थिक वर्षलाई कृषि लगानी दशक घोषणा गरिने
जेठ १, २०८१ मंगलबार
देशभर रहेका गरिब घर परिवार पहिचान गरिने
जेठ १, २०८१ मंगलबार
'पुजार सार्की'को तेस्रो गीत 'जाऊँ माया' सार्वजनिक
जेठ १, २०८१ मंगलबार
संघीयता कार्यान्वयन सम्बन्धी थप कानुन बनाइने
जेठ १, २०८१ मंगलबार