एनएमबी बैंकले कमायो एक अर्ब ६५ करोड, आगामी बर्ष बैंकका शेयरधनीलाई ३९ प्रतिशतको बम्पर लाभांश
इन्द्र रिजाल
बैशाख २३, २०७६ मंगलबार ३:२६:५५
काठमाडौं । समृद्ध नेपालको नारा बोकेको एनएमबी बैंकले चालु आर्थिक वर्षको चैत्र मसान्तसम्म एक अर्ब ६५ करोड ११ लाख मुनाफा आर्जन गर्न सफल भएको छ । गत वर्षको सोही अवधिमा बैंकले एक अर्ब ३७ करोड ६६ लाख रुपैयाँ मुनाफा आर्जन गरेको थियो ।
गतबर्ष देखि नै अर्बपति क्लबमा रहेको बैंकमा प्रतिशतका हिसाबले यो मुनाफा गतबर्षको तुलनामा १९.९४ ले बढी हो । चालु आबको यस अवधिमा गरेको मुनाफा हेर्दा आर्थिक वर्षको अन्त्यसम्मको मुनाफाबाट बैंकले आफ्ना शेयरधनीलाई १३.४८ प्रतिशत र शेयर प्रिमियम कोषमा रहेको दुई अर्ब ५१ करोड ८० लाखबाट २६ प्रतिशत गरि कूल ३९ प्रतिशतसम्म लाभांश वितरण गर्नसक्ने देखिएको छ ।
गतबर्ष बैंकले आफ्ना शेयरधनीलाई ३० प्रतिशत तथा अघिल्लो आबमा १५ प्रतिशत लाभांश बाँडेको थियो । यसबाट आगामी बर्ष बैंकका शेयरधनीले ३९ प्रतिशतको बम्पर लाभांश पाउने संभावना देखिएको छ ।
विदेशी बैंक तथा वित्तिय संस्थाबाट पहिलो पटक ठुलो मात्रामा वैदेशिक ऋण भित्र्याउन सफल एनएमबी बैंकले तरलता अभावका बीच पनि ९३ अर्ब ९६ करोड रुपैयाँ निक्षेप संकलन गरि ९० अर्ब ३९ करोड रुपैयाँ ऋण लगानी गरेको छ। धेरै बैंकहरुलाई सीसीडी रेसियो मेन्टेन गर्न धौधौ परिरहेका बेला एनएमबी बैंकले आफुलाई कर्म्फाेट जोनमा राख्न सफल ठहरिएको छ ।
चैत्र मसान्तसम्म बैंकले सीसीडी रेसियो ७७.८३ को बिन्दुमा कायम राख्न सफल भएको छ । कर्जा लगानीका लागि यो सहज अवस्था हो । निक्षेप संकलन र कर्जा लगानी दुवैमा आक्रामक रहेको बैंकको व्याज आम्दानी ३० प्रतिशत हुदाँ व्याज खर्च भने १८ प्रतिशतले मात्र बृद्धि भएको छ। बैंकले चैत मसान्तसम्ममा ८ अर्ब ६ करोड रुपैयाँ व्याज आम्दानी गरेको छ भने चार अर्ब ९६ करोड व्याज खर्च गरेको छ। यस्तै खुद व्याज आम्दानीमा ५३ प्रतिशतले सुधार भएर तीन अर्ब ९ करोड रुपैयाँ आर्जन गर्न सफल भएको छ।
बैंकले एफपीओ र बोनस शेयरमार्फत चुक्ता पूँजी बृद्धि गरेको थियो । बोनस शेयर र एफपीओमार्फत बैंकले ७ अर्ब ३७ करोड रुपैयाँको पूँजीलाई ९ अर्ब तीन करोडमा पुर्याएको छ । एफपीओको प्रिमियम रकमसहित बैंकको जगेडा कोषमा हालसम्म ७ अर्ब १३ करोड रुपैयाँ जम्मा भएको छ । चुक्ता पूँजी र जगेडाकोष बढेसँगै बैंकको पूँजी कोष अनुपात थप २.५१ प्रतिशत बिन्दुले बढेर १५.४४ प्रतिशत कायम भएको छ। प्रर्याप्त पूँजीकोष रहेकोले बैंकले आगामी दिनमा नियामकिय निर्देशन अनुसार थप कर्जाको विस्तार गर्ने सक्नेछ ।
बैंकले एक वर्षको अवधिमा खराब कर्जा १.१० प्रतिशतबाट ०.७९ प्रतिशतमा झार्न सफल भएको छ। बैंकको कर्जाको गुणस्तरमा भएको सुधार र असूलीको दक्षताले गर्दा यस वर्ष खराब कर्जा घटाउन सफल भएको हो । बैंकले हालै नयाँ भर्सनको बैंकिङ सिस्टम फिनाकलमा स्तरोन्नती गरी संचालनमा ल्याएको छ। बैंकका सीईओ सुनिल केसीको विशेष बैंकिङ रणनीतिका कारण संस्थागत सुशासन र जोखिम विश्लेषणमा ध्यान पुर्याउदाँ बैंक दिनप्रतिदिन प्रगतिपथमा अगाडि बढेको हो ।
खर्च नियन्त्रण र कोषको लागत घटाएर आम्दानीका अधिकांश सूचकहरुमा प्रगति गरेको बैंकको जगेडा कोष, प्रतिशेयर आम्दानी, नेटवर्थ भने कमजोर बनेको छ । तर गत बर्षको तुलनामा बैंकको आधार ब्याजदर र कोषको लागत घटेका कारण बैंकको पुँजीकोष भने सवल बनेको छ ।
बैंकले यस अवधिमा एक अर्ब ६५ करोड ११ लाख रुपैयाँ मुनाफा आर्जन गरेपनि विभिन्न शिर्षकमा ६७ करोड ८९ लाख रुपैयाँ छुट्याउनु पर्दा ९७ करोड २१ लाख ५४ हजार रुपैयाँ मात्र शेयरधनीलाई वितरण गर्न पाउने छ ।
बैंकले विभिन्न शिर्षकहरुको व्यवस्था अन्तर्गत साधारण जगेडामा ३३ करोड २ लाख, क्यापिटल रिडम्सन रिजर्बमा ६ करोड ७८ लाख ४१ हजार, र मुद्रा सटही कोषमा एक करोड ६३ लाख ४३ हजार, संस्थागत समाजिक उत्तरदायित्वमा एक करोड ५६ लाख ३४ हजार र रेगुलेटरी रिर्जब कोषमा २४ करोड ८९ लाख २९ हजार छुट्टाएको हो ।
बैंकको प्रतिशेयर आम्दानी २२ रुपैयाँ, आधार ब्याजदर ९.९५ प्रतिशत तथा प्रतिशेयर नेटवर्थ १७४.२२ रुपैयाँ रहेको छ ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपभारतीय मूलका विनोद चौधरीका कर्तुत खोजिँदै, कसरी छिरे नेपाल ?
जेठ ११, २०८१ शुक्रबार
यस्तो छ सहकारीको शिर, दलीय वर्चश्वमा एमाले !
जेठ १०, २०८१ बिहिबार
रविको निशानामा देउवाको परिवारः आरजु र छोरा जयवीर माथि अनुसन्धानको तयारी
जेठ ९, २०८१ बुधबार
अवैध नदीजन्य पदार्थ ओसारपसार गरिरहेका टिपर स्थानीयको नियन्त्रणमा
नेपालबहस संवाददाता
जेठ १०, २०८१ बिहिबार
के तपाईको हातमा पैसा जोगिदैन ? यी तरिकाहरु अपनाउनुस् !
नेपालबहस संवाददाता
जेठ १२, २०८१ शनिबार
भारतीय कारखानामा विस्फोट : मृत्यु हुनेको संख्या ११ पुग्यो
नेपालबहस संवाददाता
जेठ ११, २०८१ शुक्रबार
भारतीय मूलका विनोद चौधरीका कर्तुत खोजिँदै, कसरी छिरे नेपाल ?
नेपालबहस संवाददाता
जेठ ११, २०८१ शुक्रबार
के क्रिकेटर हार्दिक र नतासाको डिभोर्स भएको ?
जेठ १२, २०८१ शनिबार
तपाईको आजको राशीफल कस्तो छ ?
जेठ १३, २०८१ आइतबार
सगरमाथा आरोही सशस्त्र प्रहरी निरीक्षक पौडेलको स्वागत तथा सम्मान
जेठ १२, २०८१ शनिबार
अस्पतालमा आगलागी हुँदा सात नवजात शिशुको मृत्यु
जेठ १३, २०८१ आइतबार
अफगानिस्तानमा महिलामाथि लगाइएको प्रतिबन्धले बालविवाहको संख्या बढ्ने
जेठ १३, २०८१ आइतबार
सत्ता गठबन्धनले देखाएको रवैया निरंकुशताउन्मुख र अनुदारवादी : महामन्त्री थापा
जेठ १३, २०८१ आइतबार
गृहमन्त्री लामिछानेको राजीनामा माग्दै पोखरामा सहकारी पीडितको प्रदर्शन
जेठ १३, २०८१ आइतबार
महालेखापरीक्षकको ६१औँ प्रतिवेदन आज राष्ट्रपतिसमक्ष पेस हुँदै
जेठ १३, २०८१ आइतबार
भोजपुरको एक मात्र गरस चिया उद्योग
जेठ १३, २०८१ आइतबार