नसिंङ पढाईमा ५ लाख खर्च, तलब ७ हजार मात्र !
इन्द्र रिजाल
बैशाख २९, २०७६ सोमबार १:९:४०
चितवन । ठूलो लगानी गरेर पढेका नर्सिङका विद्यार्थीले पढाइ सकेपछि कडा मिहिनेत, जोखिम र संवेदनशिल काम गर्नुपर्ने भएपनि श्रमको मूल्य भने पाउन सकेका छैनन् ।
विदेशमा रोजगारीको राम्रो अवसर भए पनि नेपालमा बस्छु भन्नेका लागि यो पेशा निकै चुनौतीपूर्ण बन्दै गएको छ । प्रमाणपत्र तह नर्सिङ अध्ययनका लागि तीन वर्षको रु चार लाख ७५ हजार क्याम्पसमा बुझाउनुपर्ने हुन्छ ।
यसका अतिरिक्त किताब, कापी, परीक्षा, होस्टल, प्रयोगात्मक कक्षा लगायतको खर्च हेर्दा रु सात लाख बढी खर्च हुने गर्दछ । यस्तै नर्सिङ स्नातक (बिएन)को क्याम्पस शुल्क रु छ लाख ५० हजार हाराहारी रहेको छ भने बिएससी नर्सिङको रु ११ लाख ९० हजार पूर्वाञ्चल विश्वविद्यालयमा सम्बन्धन पाएका क्याम्पसले लिँदै आएका छन् ।
त्रिभुवन विश्वविद्यालयसँगै अन्य विश्वविद्यालयसँग सम्बन्धन लिएर पढाउने क्याम्पसले त्यो भन्दा बढी फरक फरक शुल्क लिने गरेका छन् । तर तिनै क्याम्पसबाट अध्ययन गरेका विद्यार्थीले नेपालमा पाउने जागिरको अवस्था भने दयानिय रहेको छ ।
नेपाल नर्सिङ सङ्घ चितवनका अध्यक्ष माया पाण्डेले नर्सको कामको चुनौती बढी भए पनि न्यून पारिश्रमिकमा काम गर्नुपर्ने बाध्यता रहेको बताए । यहाँ चलेका अस्पताल र मेडिकल कलेजले रु १४ हजारदेखि १७ हजारसम्म पारिश्रमिक दिने गरेका भएपनि अन्यमा पारिश्रमिक न्यून रहेको उनले बताए ।
जिल्लाका कतिपय अस्पताल, पोलिक्लिनिक, क्लिनिकलगायतले रु सात हजारसम्ममा काम लगाउने गरेका पाइएको छ । राम्रा अस्पतालमा अवसर नपाउदा कतिपय नर्सिङ अध्ययन गरेका निराश हुने गरेका उनीहरु बताउछन् ।
स्नातक पढेर कार्यालय सहयोगी सरह पारिश्रमिक लिन बाध्य भएको नर्सिङ पढाउनेको गुनासो छ । भरतपुर अस्पतालका मेडिकल सुपरिटेण्डेन्ट प्रा. डा. कृष्ण पौडेलले सन् २०३० मा चाहिने नर्सिङ अहिलेनै उत्पादन भई सकेकाले समस्या उत्पन्न भएको बताए ।
अस्पतालमा १५० भन्दा बढीले जागिरको माग गरी आवेदन दिएका र दैनिक जसो नयाँले निवेदन पेश गर्ने गरेका उनले बताए । निजीमा रु सात हजारदेखि नै काम गर्नुपर्ने बाध्यता रहेकाले सरकारीमा आकर्षण बढी भए पनि अवसर थोरैले पाउने गरेको उनले जानकारी दिए ।
चितवनमा मात्र ११ नर्सिङ क्याम्पस छन् । छिमेकी जिल्ला नवलपुरको गैँडाकोटमा एउटा नर्सिङ कलेज छ । ती क्याम्पसले ४० जनाका दरले प्रविणता प्रमाणपत्र तह पढाउँदै आएका छन् ।
प्राविधिक शिक्षा तथा व्यावसायिक तालीम परिषद् ‘सिटिइभिटी’ बाट सम्बन्धन लिएका क्याम्पसको साझा संस्था फोरम फर हेल्थ साइन्स चितवनका अध्यक्ष ध्रुव काफ्लेले नर्सिङलाई रोजगारीको अवसर बढ्दो रहेको बताए ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपभक्तपुर अस्पतालमा पाठेघर खस्ने रोगको निःशुल्क उपचार
जेठ ३, २०८१ बिहिबार
भरतपुर अस्पतालमा रक्तसञ्चार केन्द्र सञ्चालन
जेठ २, २०८१ बुधबार
जीपीलाई एसियाकै ठूलो श्वासप्रश्वास उपचार केन्द्र बनाइँदै
बैशाख ३१, २०८१ सोमबार
दैनिक सूर्य नमस्कार गर्दा यी १० समस्याबाट छुटकारा मिल्छ
नेपालबहस संवाददाता
जेठ १, २०८१ मंगलबार
बारामा चोरी सिकारी समूह सक्रिय, वन कार्यालय छेउमै हरिणको सिकार
नेपालबहस संवाददाता
बैशाख ३१, २०८१ सोमबार
भान्सामा राखिएका यी चिजले घरमा गरिबी ल्याउछ आजै हटाउनुहोस्
जेठ २, २०८१ बुधबार
पेट्रोलियम पदार्थको मूल्य घट्यो
जेठ २, २०८१ बुधबार
बिहिबारदेखि काठमाडौंका यी क्षेत्रमा ६ घण्टा विद्युत अवरुद्ध हुने
जेठ २, २०८१ बुधबार
मर्स्याङ्दी जलविद्युत उत्पादनमा वृद्धि
जेठ ३, २०८१ बिहिबार
बेसारको सम्बन्ध कुन ग्रहसँग सम्बन्धित छ, यसले के फल दिन्छ ?
जेठ ३, २०८१ बिहिबार
लोपोन्मुख कालो सुँगुर संरक्षणमा
जेठ ३, २०८१ बिहिबार
घरघरमा खानेपानीको धारा पुर्याउन सोलार लिफ्टिङ
जेठ ३, २०८१ बिहिबार
केपी ओलीले मदन भण्डारीका ‘हत्यारा’ लुकाएकै हुन् ?
जेठ ३, २०८१ बिहिबार
सेती नदीको किनारमा बनाइएको सडक
जेठ ३, २०८१ बिहिबार