चार लाख घुस लिदै गर्दा स्याङ्जावाट अख्तर मोहम्मद अख्तियारको फन्दामा

स्याङ्गजा । सेवाग्राही संग योजना सन्चालन गरे बापत घुस लिदा लिदै वैक भौचर सहित जिल्ला खानेपानी सरसफाई डिभिजन कार्यालयका ईन्जिनियर अख्तर मोहम्मद अख्तियार दुरूपयोग अनुसन्धान आयोगवाट आएको टोलिले रंगेहात पक्राउ गरेको छ ।

खानेपानी तथा सरसफाइ डिभिजन कार्यालय स्याङ्गजामा कार्यरत इन्जिनियर (आठौं तह) वासी अख्तर मोहम्मदले खानेपानी आयोजनाको भुक्तानी दिएकोमा विभिन्न बहाना बनाई सेवाग्राहीसँग कमिशन वापत घुस/रिसवत माग गरिरहेको भन्ने सूचना एवं उजुरीको आधारमा उनी पक्राउ परेका हुन् ।

अख्तियार दुरुपयोग अनुसन्धान आयोगको कार्यालय पोखराबाट खटिई गएको टोलीले निज इन्जिनियर वासी अख्तर मोहम्मदलाई सेवाग्राहीसँग चार लाख घुसबापतको रकम लिइसकेको अवस्थामा पुतलीबजार वडा नं.१ स्थित इग्लिस वोर्डिङ स्कुल नजिकबाट नियन्त्रणमा लिई अनुसन्धान गरिरहेको आयोगका प्रवक्ता प्रदिप कुमार कोइरालाले जानकारी दिएका छन् ।