६ माघ २०७८, बिहीबार

मेक्सिमा धम्कीपछि एक पत्रकारको हत्या

प्रकाशित मिति :  ३ जेष्ठ २०७६, शुक्रबार १५:१३


एजेन्सी । मेक्सिकोमा बिहीबार एक जना पत्रकारको हत्या भएको छ । देशको दक्षिणपूर्वी राज्य क्विन्ताना अन्तर्गत पर्ने तटवर्ती सहर प्लाय डेल कारमेनमा पत्रकारको हत्या भएको हो ।

हत्या हुनु अगाडी उनलाई धम्की आएको अधिकारीहरुले जानकारी दिएका छन् । घटनाका अनुसन्धानकर्ताहरुले जारी गरेको वक्तव्यमा अनुसन्धान जारी रहेको उल्लेख छ ।

पत्रकार फ्रान्सीस्को रोमेरो डिजको हत्या भएको प्रहरीले पुष्टि गरेको छ । उनको शव पनि ल्याइसकिएको प्रहरीको भनाई छ ।

अनुसन्धानकर्ताहरुले पत्ता लगाएको विवरण अनुसार उनलाई गत अप्रिल १२ तारिखका दिन धम्की आएको थियो । सो कुरा उनले आफ्ना सहकर्मीहरुलाई बताएका थिए ।

स्थानीय समयानुसार उनको शव विहान ६ बजेतिर ‘ला गोट्टा’ नामक बारको बाहिर भेटिएको स्थानीय सञ्चार माध्यमहरुले जनाएका छन् ।

अधिकारीहरुले घटनास्थलमा गोली हानेर उनको हत्या गरेको जस्तो रगत र चोटहरु देखिएको जानकारी दिएका छन् ।
अहिले हत्या गरिएका रोमेरो डिजसँगै सन् २०१९ को शुरुबाट अहिलेसम्ममा मेक्सिकोमा कम्तीमा पाँच पत्रकारको हत्या भईसकेको छ ।


इन्द्र रिजाल नेपालबहस डटकमका प्रधान सम्पादक हुन् । अर्थराजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथ चित्रण गर्छन् ।
प्रतिक्रिया दिनुहोस !
NCC-Remit-Ad-nepalbahas
छुटाउनुभयो कि?
ताजा