मन्थली नगरपालिकाका मेयरलाई वडाध्यक्षको गोदाई, फुटाइदिए टाउको !

रामेछाप । मन्थली नगरपालिका मेयर रमेशकुमार बस्नेतमाथि वडाध्यक्ष्यहरुले आक्रमण गरेका छन् । सोमबार नगरकार्यपालिका बैठक चलिरहेको बेला आ. व .०७४/७५ का काम नै नगरेका पुराना योजनाको रकम भुक्तानी हुनुपर्ने माग उठाउँदै वडा नम्बर ५ का वडाध्यक्ष रामबहादुर कार्की, वडा नं १२ का वडाध्यक्ष कृष्णहरि अधिकारी र कार्यपालका सदस्य उद्धव रम्तेल लगायतले कुर्सी, नेमप्लेट, चियाको ग्लास, पानीका बोतल लगायतले आक्रमण गरेको बस्नेतले बताए ।

योजनाको रकम भुक्तानी हुनुपर्ने माग उठाउँदै वडा नम्बर ५ का वडाध्यक्ष रामबहादुर कार्की, वडा नं १२ का वडाध्यक्ष कृष्णहरि अधिकारी र कार्यपालका सदस्य उद्धव रम्तेल लगायतले बैठकमा विवाद गरेका थिए ।

नगर प्रमुखले दिन नमिल्ने कुरा गरेपछि विवाद बढ्दै गएको र बैठकमै वडा नम्बर ५ का वडाध्यक्ष रामबहादुर कार्की, वडा नं १२ का वडाध्यक्ष कृष्णहरि अधिकारी र कार्यपालका सदस्य उद्धव रम्तेल लगायतले कुर्सी, नेमप्लेट, चियाको ग्लास, पानीका बोतल लगायतले आक्रमण गरेका थिए।

झगडामा नगर प्रमुख रमेशकुमार बस्नेतलाई टाउकोमा चोट लागेको र उपचार पछि घरमा रहेको मन्थली नगरपालिकाका प्रमुख प्रशासकिय अधिकृत टेक कुमार रेग्मीले जानकारी दिए ।