१५ घण्टाको अवधिमा ९ जनाको ज्यान गयो, दर्जन बढी घाइते
इन्द्र रिजाल
असार ८, २०७६ आइतबार २३:१२:५०
काठमाडौं । करिब १५ घण्टाको अवधिमा भएका ८ वटा छुट्टाछुट्टै सवारी दुर्घटनामा परी ९ जनाको मृत्यु भएको छ । शनिबार दिउँसो २ बजे बजेदेखि आइतबार बिहान ५ः२० बजेसम्मको अवधिमा झापा, चितवन, मोरङ, धनुषा, नवलपरासी (पश्चिम), रामेछाप, दाङ र रुपन्देहीमा भएका दुर्घटनामा ९ जनाको ज्यान गएको हो ।
दुर्घटनामध्ये झापा, मेचीनगर नगरपालिका–१० स्थित सडकमा को.१ ख ७६६५ नम्बरको बसले पैदलयात्रीलाई ठक्कर दिँदा सोही नगरपालिका.९ बस्ने ६० वर्षीयको घनश्याम गर्तौलाको घट्नास्थलमै मृत्यु भएको थियो । बस र चालकलाई प्रहरीले नियन्त्रणमा लिएको छ ।
यसैगरी चितवन, भरतपुर महानगरपालिका–२९ रिद्धीखोलास्थित सडकमा बा.१ प ५०५ नम्बरको बस र ग.१ च ७३०८ नम्बरको कार एकआपसमा ठक्कर खाई दुर्घटना हुँदा गम्भीर घाइते भएका स्याङ्जा घर भएका ४८ वर्षीय होमबहादुर थापाको नयाँ मेडिकल कलेज भरतपुरमा उपचारको क्रममा मृत्यु भएको हो ।
दुर्घटनामा घाइते भएका २ जनालाई नयाँ मेडिकल कलेज भरतपुरमा र अन्य २ जनालाई पुरानो मेडिकल कलेज भरतपुरमा उपचार भइरहेको छ ।
यसैगरी मोरङ, बेलबारी नगरपालिका–१० स्थित सडकमा को.१६ प ३३३९ नम्बरको मोटरसाइकललाई को.१७ प.६१४४ नम्बरको मोटरसाइकलले ठक्कर दिँदा गम्भीर घाइते भएका को.१६ प ३३३९ नम्बरको मोटरसाइकलमा सवार इटहरी उपमहानगरपालिका बस्ने संखुवासभा खाँदबारी–१ घर भएका ३३ वर्षीय भोलामान तामाङको बेलबारी सामुदायिक अस्पतालमा उपचारको क्रममा मृत्यु भएको छ । दुर्घटनामा घाइते भएका को.१६ प ३३३९ नम्बरको मोटरसाइकल चालकको सोही अस्पतालमा उपचार भइरहेको छ । को.१७ प. ६१४४ नम्बरको मोटरसाइकल चालकलाई प्रहरीले नियन्त्रणमा लिएको छ ।
यसैगरी धनुषा, नगराईन नगरपालिका.३ स्थित सडकमा ना.६ त ४०२६ नम्बरको ट्याक्टर अनियन्त्रित भई दुर्घटना हुँदा गम्भीर घाइते भएका ट्याक्टरमा सवार सोही ठाउँ बस्ने सितल मंडल खत्वेको १४ बर्षीय छोरा राम जिवन मण्डल खत्वेलाई उपचारका लागि स्थानीय मेडिकलमा लैजाने क्रममा बाटोमै मृत्यु भएको छ । ट्याक्टर चालक फरार रहेकोले प्रहरीले खोजी गरिरहेको छ ।
यसैगरी नवलपरासी (पश्चिम), रामग्राम नगरपालिका–४ बैरिहवास्थित सडकमा लु.७ प ७३३३ नम्बरको मोटरसाइकल अनियन्त्रित भई दुर्घटना हुँदा गम्भीर घाइते भएका रामग्राम नगरपालिका–२ बस्ने २७ वर्षीय समिर खानको मेडिकल कलेज भैरहवामा उपचारको क्रममा मृत्यु भएको छ । दुर्घटनामा घाइते भएका सोही ठाउँ बस्ने २६ वर्षीय सुरज हलुवाइको सोही अस्पतालमा उपचार भइरहेको छ । यसैगरी रामेछाप, मन्थली नगरपालिका ६ कुनौरीस्थित सडकमा बा.२१ च ७५२५ नम्बरको एम्बुलेन्स सडकबाट करिब २ सय मिटर तल खसेर दुर्घटना हुँदा एम्बुलेन्स चालक सोही ठाउँ बस्ने २३ वर्षीय निरबहादुर श्रेष्ठको घटनास्थलमै मृत्यु भएको थियो । दुर्घटनामा घाइते भएका एम्बुलेन्समा सवार सिन्धुली गोलन्जोर गाउँपालिका–७ बस्ने १८ वर्षीय सुरज श्रेष्ठलाई तामाकोशी सहकारी अस्पताल मन्थली हुँदै थप उपचारको लागि धुलिखेल अस्पताल काभ्रे ल्याइएको छ ।
यसैगरी दाङ, लमही नगरपालिका–९ च्याउखोलास्थित सडकमा भे.१ च १८४९ नम्बरको जिप अनियन्त्रित भई दुर्घटना हुँदा जिपमा सवार बाँके बैझनाथ गाउँपालिका–४ बस्ने २० वर्षीय महेश ओलीको घटनास्थलमै मृत्यु भएको छ । जिप चालकलाई प्रहरीले नियन्त्रणमा लिएको छ । यसैगरी रुपन्देही, सैनामैना नगरपालिका–६ कलौनीस्थित सडकमा ना.७ ख ५९४८ नम्बरको बसले लु.८ प ८४७५ नम्बरको मोटरसाइकललाई ठक्कर दिँदा मोटरसाइकलमा सवार हाल नाम, थर, वतन नखुलेका २ जनाको घटनास्थलमै मृत्यु छ । बस चालक फरार रहेकोले प्रहरीले खोजी गरिरहेको छ ।
दुर्घटना भएका सबै स्थानामा तत्काल गएको स्थानीय प्रहरीले उद्दार कार्य गर्नुका साथै दुर्घटनाका सम्बन्धमा आवश्यक अनुसन्धान गरिरहेको जनाएको छ ।
अवैध लागूऔषध गाँजा सहित पक्राउ
मकवानपुर, मनहरी गाउँपालिका–८ गणेशधाराबाट २ जनालाई करिब ३० किलो अवैध लागूऔषध गाँजासहित शनिबार राति प्रहरीले पक्राउ गरेको छ । पक्राउ पर्नेहरुमा रौतहट मिटुवा गाउँपालिका–५ बस्ने २३ वर्षीय सुरेश साह र रौतहट राजकुर गाउँपालिका–८ बस्ने ३३ वर्षीय दिनेश जैसवाल रहेका छन् । जिल्ला प्रहरी कार्यालय मकवानपुरबाट खटिएको प्रहरीले उनीहरुलाई पक्राउ गरेको हो ।
जबरजस्ती करणी गरेको अभियोगमा तीन जना पक्राउ
कैलाली, धनगढी बस्ने १३ वर्षीया बालिकालाई जबरजस्ती करणी गरेको अभियोगमा ३ जनालाई शनिबार साँझ प्रहरीले पक्राउ गरेको छ । पक्राउ पर्नेहरुमा धनगढी उपमहानगरपालिका–१५ उर्मागाउँ बस्नेहरु २५ वर्षीय फट्टुलाल चौधरी, २३ वर्षीय बिजय चौधरी र सोही उपमहानगरपालिका–७ मनेहरा बस्ने २५ वर्षीय झगरु चौधरी रहेका छन् ।
बालिकालाई फकाएर से.१ प ३०७४ नम्बरको मोटरसाइकलमा जंगलमा लगेर जबरजस्ती करणी गरेको भन्ने खबर प्राप्त हुनासाथ प्रहरी चौकी कनरीबाट खटिएको प्रहरीले मोटरसाइकल सहित उनीहरुलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको जानकारी दिएको छ ।
जुवातास खेलिरहेका ४० जना छुट्टाछुटै स्थानबाट पक्राउ
भक्तपुर, सूर्यबिनायक नगरपालिका–५ सल्लाघारीस्थित रामकृष्ण तोयनाको घरमा जुवातास खेलिरहेका सिन्धुपाल्चोक घर भई सल्लाघारी बस्ने ४९ वर्षीय गंगालाल श्रेष्ठ समेत १३ जनालाई नगद ६ लाख १ हजार ६ सय ८५ रुपैयाँ र ८ बुक तास सहित शनिबार दिउँसो प्रहरीले पक्राउ गरेको छ । महानगरीय प्रहरी परिसर भक्तपुरबाट खटिएको प्रहरीले उनीहरुलाई पक्राउ गरेको हो ।
त्यसैगरी, काठमाडौं, टोखा नगरपालिका–३ बानियाँटारस्थित झम्कबहादुर थापाको घरमा जुवातास खेलिरहेका सोही ठाउँ बस्ने रामेछाप सुनपति गाउँपालिका–४ घर भएका ४३ वर्षीय लाल बहादुर तामाङ लगायत ११ जनालाई नगद ७५ हजार ४ सय रुपैयाँ र ६ बुक ताससहित शनिबार दिउँसो प्रहरीले पक्राउ गरेको छ । महानगरीय प्रहरी प्रभाग गोगंबुबाट खटिएको प्रहरीले उनीहरुलाई पक्राउ गरेको हो ।
काभ्रे, धुलिखेल नगरपालिका–६ स्थित नर्थपोल होटलमा जुवातास खेलिरहेका होटल संचालक सोही नगरपालिका–११ बस्ने २६ वर्षीय दिपेन्द्र धिताल लगायत ८ जनालाई नगद १ लाख ५७ हजार नेपाली रुपैयाँ, भारतीय रुपैयाँ ५ हजार ९ सय १०, युएस डलर १९, युरो ३०, अस्ट्रेलियन डलर १०, युएई धिराम १० सहित शनिबार साँझ प्रहरीले पक्राउ गरेको छ ।
कास्की, पोखरा महानगरपालिका–४ रामकृष्ण टोल बस्ने ५० वर्षीय गणेश कतिला श्रेष्ठको घरमा जुवातास खेलिरहेको अवस्थामा निज गणेश लगायत ८ जनालाई नगद ५९ हजार २ सय ५५ रुपैयाँ र ४ बुक तास सहित शनिबार साँझ प्रहरीले पक्राउ गरेको छ । जिल्ला प्रहरी कार्यालयबाट खटिएको प्रहरीले उनीहरुलाई पक्राउ गरेको हो । यस सम्बन्धमा स्थानीय प्रहरीले थप अनुसन्धान गरिरहेको छ ।
ज्यान मार्ने उद्योग मुद्दाका दुई जना फरार प्रतिवादी पक्राउ
सिराहा, ज्यान मार्ने उद्योग मुद्दाका फरार प्रतिवादी सुखिपुर नगरपालिका–८ सुखिपुर बजार बिद्यानगर बस्ने २५ वर्षीय रामदुलार यादव र २७ वर्षीय मनोज कुमार यादवलाई शनिबार साँझ प्रहरीले पक्राउ गरेको छ । ईलाका प्रहरी कार्यालय सुखिपुरबाट खटिएको प्रहरीले उनीहरुलाई पक्राउ गरेको हो ।
हत्या गरेको अभियोगमा पक्राउ :
उदयपुर, कटारी नगरपालिका-४ मरुवा बस्ने लक्ष्मी राईलाई चक्कुले घाँटी रेटी हत्या गरेको अभियोगमा सोही ठाउँ बस्ने ३० वर्षीया सीता राईलाई आइतबार दिउँसो प्रहरीले पक्राउ गरेको छ । उक्त घटनाको खबर प्राप्त हुनासाथै ईलाका प्रहरी कार्यालय कटारीबाट खटिएको प्रहरीले सीतालाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।
गाँजाको बोट नष्ट गरिएको :
काठमाडौं, त्रिभुवन अन्तर्राष्ट्रिय विमानस्थल परिसरभित्रका विभिन्न स्थानमा हुर्किएका करिब ५० हजार अवैध लागूऔषध गाँजाको बोट प्रहरीले शनिबार नष्ट गरेको छ । अन्तर्राष्ट्रिय विमानस्थल सुरक्षा कार्यालयबाट खटिएको प्रहरी टोलीले उक्त गाँजाका बोटहरु फडानी गरी नष्ट गरेको हो ।
बसको ठक्करबाट साईकल यात्रीको मृत्यु :
मोरङ, कानेपोखरी गाउँपालिका-७ छधारेस्थित पूर्वपश्चिम राजमार्गमा को.१ ख ७२०४ नम्बरको बसले आइतबार बिहान ठक्कर दिँदा साईकलयात्री सुनवर्षी नगरपालिका-२ बस्ने ३५ वर्षीय भिम मोचीको घटनास्थलमै मृत्यु भएको छ । यस सम्बन्धमा प्रहरीले थप अनुसन्धान गरिरहेको छ ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपट्रयाक्टर दुर्घटना हुँदा विद्यार्थीको मृत्यु
बैशाख २६, २०८१ बुधबार
पश्चिम नवलपरासीमा चट्याङ लागेर महिलाको मृत्यु
बैशाख २६, २०८१ बुधबार
गाडीको ठक्करबाट भक्तपुरमा पैदलयात्रीको मृत्यु्
बैशाख २५, २०८१ मंगलबार
आइतबार नै नेकपा एस विभाजन गराउने रणनीति थियो, संख्या नपुग्दा रोकियो
नेपालबहस संवाददाता
बैशाख २४, २०८१ सोमबार
दुई महिना कै बीचमा इलाम र सिराहाका प्रहरी प्रमुख फेरिए
नेपालबहस संवाददाता
बैशाख २४, २०८१ सोमबार
ओली भष्मासुर हुन, सिध्याउनुपर्छ भन्थे, उनैलाई सिध्याए
केदार भट्टराई (काका)
बैशाख २४, २०८१ सोमबार
२२ वर्षीया युवती एक सातादेखि सम्पर्कविहीन
बैशाख २५, २०८१ मंगलबार
संसद अधिवेशन अघि कांग्रेसका दुई बैठक, कस्तो आउँछ निर्णय ?
बैशाख २६, २०८१ बुधबार
ज्यान मार्ने मुद्दामा फरार रेष्टुरेण्ट संचालक पक्राउ
बैशाख २६, २०८१ बुधबार
प्रधानमन्त्री प्रचण्डले गराए वीर अस्पतालमा दाँतको उपचार
बैशाख २६, २०८१ बुधबार
नेपालमा पनि मनाइयो विश्व रेडक्रस दिवस
बैशाख २६, २०८१ बुधबार
काभ्रेमा ‘आगो’को वितण्डा, बस्ती जोखिम !
बैशाख २६, २०८१ बुधबार
सुरक्षित कारोबार विधेयक संसदीय समितिबाट पारित
बैशाख २६, २०८१ बुधबार
बोक्से-सिगाना सडक: १० महिनापछि निर्माण कार्य सुरू
बैशाख २६, २०८१ बुधबार