विप्लव समूहले विज्ञप्ति निकाल्दै भन्यो, असार २२ गते नेपाल बन्द !

काठमाडौं । नेत्रविक्रम चन्द विप्लव नेतृत्वको नेकपाले असार २२ गते नेपाल बन्द आह्वान गरेको छ । नेकपाका पश्चिम केन्द्रीय कमान्ड इन्चार्ज प्रताबले शुक्रबार विज्ञप्ति निकालेर हाल जेल र हिरासतमा रहेका पार्टी कार्यकर्ता रिहाइको माग गर्दै बन्द आह्वान गरेको हो ।

बन्दमा उद्योग, यातायात, कलकारखाना, शिक्षण संस्था बन्द गर्न आग्रह गर्दै दिउँसो सञ्चालन गरे साँझ कारवाही गर्ने चेतावनीसमेत दिइएको छ ।विज्ञप्तिमा लेखिएको छ सरकारले जनतालाई युद्धको भारी बोकाउने चलखेल गरेको समेत आरोप लगाइएको छ ।

प्रधानमन्त्री केपी शर्मा ओलीले अब विप्लव समूह वार्तामा नआए सरकारले कानुन कारवाही गर्ने बताएपछि विद्रोही नेकपा थप आक्रोशित भएको हो ।