Advertisement

काठमाडौं । शैक्षिक क्यालेन्डर र वातावरण कायम राख्न सफल मानिएको काठमाडौं विश्वविद्यालयमा विगत चार दिनदेखि पठनपाटन र प्रशासनिक काम ठप्प छ ।

सत्ताधारी नेपाल कम्युनिष्ट पार्टी ‘नेकपा’ समर्थक विद्यार्थीहरुले विद्यार्थी युनियन खोल्न पाउनु पर्नेसहितका विभिन्न माग राख्दै प्रशासन विभाग र केही कक्षाकोठामा ताला लगाएपछि पठनपाठन ठप्प भएको हो ।

विश्वविद्यालय भित्रै विद्यार्थीहरु राजनीतिक संगठनबाट निर्देशित भएको भन्दै विश्वविद्यालय प्रशासन राजनीतिक माग पूरा गर्न नसक्ने अवस्थामा रहेको एक उच्च प्रशासनिक अधिकारीले बताए ।

Advertisement

सोमबार दिउँसो यसै विषयलाई लिएर प्रधानमन्त्री निवास बालुवाटारमा विश्वविद्यालय सिनेट बैठक बस्ने भएको छ । प्रधानमन्त्री विश्वविद्यालयका पदेन कुलपति हुन् ।

Advertisement