असार २२ गते पार्टीले कुनै बन्दको कार्यक्रम आयोजना गरेको छैन !

काठमाडौं । नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीले यहीँ असार २२ गते नेपाल बन्द आयोजना गरेको भन्दै विभिन्न अनलाइन सञ्चार माध्यमले प्रेषित गरेको समाचार प्रति नेकपाले गम्भीर ध्यानाकर्षण भएको जनाएको छ ।

“२२ गते पार्टीले कुनै बन्दको कार्यक्रम आयोजना गरेको छैन तर विभिन्न सञ्चारमाध्यममा विना तथ्य बन्द भन्दै प्रचारप्रसार गरिएको पाईयो यो गलत हो ।”

नेकपाका केन्द्रीय कार्यलय सचिव धुब्रले २२ गते आफुहरुको कुनै बन्दको कार्यक्रम नभएको बताए । साथै उनले देशभर प्रहरीले विनाकारण चलाएको धरपकड र गिरफ्तारी प्रति आफुहरु गम्भीर रहेको समेत बताएका छन् ।

उनले पुर्वका विभिन्न जिल्लाका गाउँमा गाउँमा प्रहरीले अप्रेसन चलाएर गाउँले आतङ्कित पार्ने काम गरेको भन्दै उक्त हर्कत तत्काल बन्द गर्न माग समेत गरेका छन ।