अब मर्जरका लागि बैंकहरुलाई धेरै समय दिन सकिदैन : राष्ट्र बैंकका गभर्नर डा.नेपाल

काठमाडौं । राष्ट्र बैंकका गभर्नर डा. चिरञ्जीवि नेपालले अब बैंकहरुलाई धेरै समय दिन नसकिने बताएका छन् । सोमबार राष्ट्र बैंकले मौद्रिक नीतिका लागि सुझाव लिन सरोकारवालासँगको छलफलमा गभर्नर नेपालले मर्जरका लागि बैंकहरुलाई धेरै समय दिन नसकिने बताएका हुन् ।

उनले पुँजी वृद्धिका लागि असिमित समय दिन नहुने बताए । वाणिज्य बैंकहरुले २ अर्ब रुपैयाँ चुक्ता पुँजी पु¥याउनका लागि १० वर्ष समय लगाएको भन्दै उनले यस्तो खुला छाड्न नसकिने जिकिर गरे ।

उनले मर्जरको विरोध नगर्नसमेत बैंकहरुलाई आग्रह गरे । उनले अमेरिका जस्तो मुलुकमा समेत बैंकहरु मर्जरमा गइरहेको उल्लेख गर्दै नेपालमा बैंकको संख्या घटाउनु आवश्यक रहेको बताए ।