विपत्तीको सामना मिलेर गरौं भन्दै राहत संकलनमा नेबिसंघ

काठमाडौं । नेपाली कांग्रेसको भातृ संगठन नेपाल विद्यार्थी संघ काठमाडौं लगाएत देशका विभिन्न स्थानहरुमा बाढी पिडितको निम्ती राहत संकलन अभियानमा जुटेको छ । यसै क्रममा शंकरदेव क्याम्पस नेविसंघ सम्बद्ध विद्यार्थीहरुले राहत संकलन कार्यलाई तिव्रता दिएका छन् ।

नेबिसंघले सञ्चालन गरेको ‘दुख बाडौं,सुख साटौं,बिपत्तिको मिलेर गरौं’अभियान अन्तर्गत नेपाल बिद्यार्थी संघका नेता दिपक न्यौपाने, कुमार दुलाल लगाएतको नेतृत्वमा राहत संकलन गरिएको छ ।
बाढीबाट प्रभावित देशभरका स्थानहरुको लागि नेबिसंघले राहत संकलन गरि सहयोग गर्ने कार्यक्रम रहेको भन्दै आफुहरु राहत संकलनमा जुटेको नेविसंघका नेता दिपक न्यौपानेले जानकारी दिए । देश शोकमा डुबेको बेला सबै एकाकार भएर पिडितहरुको पिडामा मलम लगाउन आवस्यक रहेको बताउदै नेता न्यौपानेले नेबिसंघ सदैब यस्ता कार्यको लागी तत्पर भएको र सबै मिलेर यस विपतको सामना गर्न समेत अनुरोध गरे ।
नेविसंघले एक दिनमै लत्ता कपडा, खानेकुरा पैसा गरेर कुल ३० हजार बराबरको रकम संकलन गरेको बताइएको छ ।