अनाथ बालबालिकालाई सहयोग गर्दै नेविसंघले कांग्रेस नेता स्वर्गीय कमल पंगेनीलाई सम्झ्यो

काठमाडौं। नेपाली कांग्रेस मात्र नभएर नेपाली राजाितीमा परिचित नाम हो कमल पंगेनी, तत्कालिन नेपाली कांग्रेस स्याङ्जाका सभापति एवम् संविधान सभा सदस्य पंगेनीको निधन भएको एक बर्ष पुगेको छ ।

नेपाल विधार्थी संघ स्याङ्जा काठमाण्डौ सम्पर्क समितिले उनै स्वर्गिय कमलप्रसाद पंगेनीको प्रथम वार्षिकीको स्मृतिमा अनाथ, असहाय वालबालिकालाई लत्ता कपडा, शैक्षिक र खाध सामग्री वितरण गरेको छ। कालिका बाल विकास केन्द्र, चन्द्रागिरी वडा नं १२, पुरानो नैकापमा नेपाली कांग्रेसका केन्द्रीय सदस्य, नेपाल सरकारका पुर्व उपप्रधानमन्त्री गोपालमान श्रेष्ठ उपस्थित कार्यक्रममा अनाथ वालबालिकालाई ट्रयाक सुट सेट, टिसर्ट कपडा, चप्पल, जुत्ता, चामल, दाल, तेल जस्ता खाधान्न सामाग्री र सबैलाई कापी कलम लगायतका स्टेशनरी सामाग्रीहरु पनि हस्तान्तरण गरेको छ ।

कार्यक्रममा प्रमुख अतिथि श्रेष्ठ, नेविसंघ निवर्तमान महामन्त्री कुन्दनराज काफ्ले , संस्थाका संचालक ज्ञानुदत्त भट्ट र कांग्रेस वडा सभापति केपी पौडेल लगायतले मन्तव्य ब्यक्त गरेका थिए ।
कार्यक्रममा महिला संघ केन्द्रीय सदस्य माया राना, नेविसंघ पुर्व केन्द्रीय सदस्य युवराज पाण्डे, नेविसंघ पुर्व केन्द्रीय सदस्य विष्णु पौडेल,चन्द्रागिरी १२ का वडा अध्यक्ष प्रकाश श्रेष्ठ, चिरन्जिवी भण्डारी, रमेश रायमाझी, दिपक न्यौपाने लगायतको उपस्थिति रहेको थियो ।

कार्यक्रम पछि सम्पर्क समितिका सभापति दीपेन्द्र क्षेत्रीले दिवंगत पंगेनीको राजनैतिक जीवन र योगदानका बारेमा चर्चा गर्दै बर्तमान अवस्थामा उनको अभाव खड्किरहेको बताएका छन् साथै उनले सामाजिक, रचनात्मक कार्यक्रमहरु गरेर सम्पर्क समितिले अझ सशक्त र जागरुक बनाउने प्रतिबद्दता समेत व्यक्त गरे।