हरिवन नपाका इन्जिनियर दिनदाहाडै कुटिए, प्रहरी रमिते बनेर फर्कियो

१ पुष, हरिवन । हरिवन नगरपालिका वडा न ११ का इन्जिनियर रकी अहमद दिनदाहाडै आफ्नै कार्यालयमा कुटिएका छन् ।

आज दिउँसो १२ बजेतिर हरिवन बजार कै शेष तस्लिम रेजाको नेतृत्वमा आएको एउटा हिंस्रक समुहले इन्जिनियर अहमदलाई टेण्डरको बाहानामा कार्यकक्षमै तथानाम गाली गलौज गरि मरणासन्न हुने गरि कुटपिट गर्नुका साथै सो कार्यालयको भौतिक संरचना पनि तोडफोड गरि क्षति पुर्याएको हो । वडा न.११ को कार्यालय मुस्लिम समुदायको बाहुल्य क्षेत्रमा रहेको छ ।

दिनदाहाडै नगरपालिका कार्यालयमा कर्मचारी कुटिएको खबरपछि नजिकै रहेको इलाका प्रहरी कार्यालयका ईन्सपेक्टर सुभाष भट्टराईको कमाण्डमा गएको प्रहरी टोलीले पीडक शेष तस्लिम रेजालाई बिना कारवाही छोडिदिएको छ ।

पीडितले उजुरी दिदाँ पनि प्रहरीले कारवाही गर्ने कुनै चासो नदेखाउनुलाई आश्र्चयको रुपमा हेरिएको छ । समाचार स्रोतका अनुसार कुटपिट गर्ने शेषको समुहले प्रहरीलाई आर्थिक लोभ दिएकाले पक्राउ नगरी छोडिदिएको हो ।

घट्नापछि कर्मचारीहरु त्रसित बनेका छन् भने स्थानीयहरु आक्रोशित भएका छन् । घट्नाका बारे हरिवन नगरपालिकाका मेयर गणेश प्रसाईले दुख व्यक्त गर्दै दोषी उपर प्रशासनले तत्काल कडा कारवाही गर्नुपर्ने माग गरेका छन् ।

प्रहरी घट्नामा रमिते बनेकोमा मेयर प्रसाई आक्रोशित छन् ।