नेकपा केन्द्रीय कमिटी बैठक, पुस २३ गते आह्वान

६ पुस काठमाडौं । पुष्पकमल दाहाल प्रचण्डलाई कार्यकारी अध्यक्षको भूमिकामा ल्याइएसँगै सत्तारुढ नेपाल कम्युनिष्ट पार्टीमा सांगठनिक सकृयता र कृयाशीलता ह्वात्तै बढेको छ ।

विगतमा सचिबालय बैठकबाटै सबै निर्णय लिने पद्धति भएपनि अहिले भने अन्य संस्था र संगठन पनि परिचालन हुन थालेका छन् । करिव एक वर्षको अन्तरालमा पार्टी स्थायी कमिटी बैठक बसेको छ । जारी बैठकले पार्टी विधानमा उपाध्यक्ष पद सिर्जना गर्ने निर्णयलाई अनुमोदन गरेको छ ।

अब सो पदका लागि प्रस्तावित वामदेव गौतमलाई उपाध्यक्ष बन्न सहज भएको छ । यसैबीच , पार्टी केन्द्रीय समितिको वैठक यही पुस २३ गतेका लागि आह्वान गरिएको छ । स्थायी कमिटी बैठकले केन्द्रीय कमिटी बैठक डाक्ने निर्णय गरेको हो ।