ठूलो मात्रामा सुर्तीजन्य पदार्थसहित तीन पक्राउ
नेपालबहस संवाददाता
माघ ७, २०७६ मंगलबार १४:२:३८
७ माघ काठमाडौं । नेपाल प्रहरीले ठूलो मात्रामा भन्सार छलेर ल्याइएको सुर्तीजन्य पदार्थसहित तीनजनालाई पक्राउ गरेको छ । महानगरीय अपराध महाशाखाको टोलीले अवैध रुपमा सुर्तीजन्य तथा पान मसला भन्सार छलेर ल्याएको सामानसहित दुई भारतीय र एक नेपालीलाई पक्राउ गरेको हो ।
पक्राउपर्नेमा भारतीय नागरिक मोहमद आदिल हुसेन, उदय भन्ने शरणकुमार सिंह र नेपाली नागरिक नारायण बोगटी छन् । महाशाखाले आज पत्रकार सम्मेलन गरी भन्सार छली तथा चोरीपैठारी गरी विभिन्न सवारी साधनमार्फत काठमाडौँसम्म ल्याएर कारोबारमा संलग्न रहेकाले उनीहरुलाई पक्राउ गरिएको जानकारी दिएको हो ।
प्रहरीले हुसेनलाई सुुन्धारा, बोगटीलाई ललितपुरको धापाखेल र सिंहलाई गौरीघाटबाट आइतबार साँझ पक्राउ गरेको हो । सम्मेलनमा महाशाखाका प्रवक्ता, प्रहरी उपरीक्षक मुकेशकुमार सिंहले आपसमा ‘सेटिङ’ मिलाएर सामान भन्सार छलेर काठमाडौँ ल्याइने गरेको बताए । “पक्राउ परेकाले सुर्तीजन्य तथा पान मसला, कपडा, मोटरका पार्टसलगायतका सामग्री भन्सार छलेर नेपाल ल्याई देशका विभिन्न ठाउँमा बिक्री वितरण गर्ने गरेको पाइएको छ,” उनले भने ।
पक्राउ परेकासँग प्रहरीले रजनीगन्धा सिल्भर पेरिस लेखिएको प्याकेट दुई हजार १५३ थान, रजनीगन्धा तुल्सी प्याकेट तीन हजार १६० थान, बबलु गोल्ड भुनी सुपारी लेखिएको सुपारीको प्याकेट ४२ थान, राज निवास पान मसला लेखिएको गुट्खाको पोका १८० थान, केशरयुक्त विमल पान मसला लेखिएको प्याकेट ६० थान, गलु दन्त मञ्जनका प्याकेट २७५ थान र वि–१ तम्बाकु लेखिएको पोका ९० थान बरामद गरेको छ ।
यस्तै, राजमा शर्मिला लेखिएको मीठा पान मसला ८१९ थान, स्नोपिक नथिना लेखिएको मीठा पान मसलाको बट्टा ६०० थान, बाबा १२० लेखिएको जर्दा पान मसलाका बट्टा ४२९ थान, चुरोटका बट्टा ६७ थान, कथ्थाका प्याकेट ५५ थान, गुलाब स्प्रे पान मसलाका बोतल ४४ थान र पान हनिको बट्टा ३१० थान रहेका छन् ।
यसैगरी, पास पास माउथ फ्रेस पोका २८ थान, मधु स्वीट सुपारी प्याकेट चार हजार थान, सरैया तमाखु प्याकेट ७१ थान, चैनी खैनी प्याकेट १० थान, नेपाली बिडी २४ थान, कोल ट्याब्लेटका पोका थान १०, गुलका ८१२ डिब्बा र कालो सुर्तीको प्याकेट चार हजार ५५० थान समेत बरामद गरेको छ ।
बरामद गरेको सामानको मूल्य रु ५० लाख भन्दामाथि रहेको महाशाखाले जनाएको छ । पक्राउ परेका व्यक्तिलाई बरामद भएको सामानसहित आवश्यक अनुसन्धान तथा कारवाहीका लागि राजश्व अनुसन्धान विभाग ललितपुर पठाइएको प्रवक्ता सिंहले बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपदुई महिना कै बीचमा इलाम र सिराहाका प्रहरी प्रमुख फेरिए
बैशाख २४, २०८१ सोमबार
दक्षता अभिवृद्धिका लागि ५१ जनालाई ट्राफिक प्रशासन तालिम सञ्चालन
बैशाख २३, २०८१ आइतबार
आईजीकै सचिवालयमा एसएसपी कार्कीको चुरीफुरी !
बैशाख १९, २०८१ बुधबार
आइतबार नै नेकपा एस विभाजन गराउने रणनीति थियो, संख्या नपुग्दा रोकियो
नेपालबहस संवाददाता
बैशाख २४, २०८१ सोमबार
दुई महिना कै बीचमा इलाम र सिराहाका प्रहरी प्रमुख फेरिए
नेपालबहस संवाददाता
बैशाख २४, २०८१ सोमबार
आइतबार नै नेकपा एस विभाजन गराउने रणनीति थियो, संख्या नपुग्दा रोकियो
बैशाख २४, २०८१ सोमबार
दुई महिना कै बीचमा इलाम र सिराहाका प्रहरी प्रमुख फेरिए
बैशाख २४, २०८१ सोमबार
ओली भष्मासुर हुन, सिध्याउनुपर्छ भन्थे, उनैलाई सिध्याए
बैशाख २४, २०८१ सोमबार
आज यी ठाउँहरुमा मेघगर्जनसहित वर्षाको सम्भावना
बैशाख २५, २०८१ मंगलबार
तपाईको आजको राशीफल कस्तो छ ?
बैशाख २५, २०८१ मंगलबार
मातातीर्थ मेला आजदेखि सुरु
बैशाख २५, २०८१ मंगलबार
कम्युनिष्टहरूले अरूको अस्तित्व समाप्त पारेर कस्तो लोकतन्त्र स्थापना गर्न चाहेका होलान् ?
बैशाख २५, २०८१ मंगलबार
तामाङ र नेपाल भाषा दिवस र्याली
बैशाख २४, २०८१ सोमबार
एनआईसी एशिया बैंकद्वारा राष्ट्रिय महिला फुटबल टोलीलाई सम्मान
बैशाख २४, २०८१ सोमबार