छुट्टाछुट्टै सवारी दुर्घटनामा परी ११ जनाको मृत्यु
नेपालबहस संवाददाता
फागुन ४, २०७६ आइतबार १४:०:४२
४ फागुन काठमाडौं । काठमाडौं, चितवन, झापा, कैलाली, मोरङ, मकवानपुर, सिरहा र सिन्धुलीका विभिन्न स्थानमा भएका छुट्टाछुट्टै सवारी दुर्घटनामा परी ११ जनाको मृत्यु भएको छ ।
काठमाडौं महानगरपालिका-१५ भगवानपाउस्थित सडकमा बा.३ ख ५१३४ नम्बरको ट्याङ्करले प्रदेश नम्बर ३-०२-००४ प ११५१ नम्बरको मोटरसाइकललाई शुक्रबार राति ठक्कर दिँदा मोटरसाइकल चालक चन्द्रागिरी नगरपालिका-३ घर भएका २१ वर्षीय साइरस गिरीको घटनास्थलमै मृत्यु भएको छ ।
दुर्घटनामा घाइते भएका मोटरसाइकलमा सवार काभ्रे भुम्लु गाउँपालिका-१२ घर भई हाल काठमाडौं लाजिम्पाट बस्ने १८ वर्षीय प्रज्वल ठकुरीलाई मनमोहन अस्पताल स्वयम्भू हुँदै थप उपचारको लागि ग्राण्डी अस्पताल रिफर गरिएको छ । ट्याङ्कर चालकलाई प्रहरीले नियन्त्रणमा लिएको छ ।
चितवन, भरतपुर महानगरपालिका-१० स्थित सडकमा ना।२९ प ८८४५ नम्बरको स्कुटर र ना.५२ प ८५६७ नम्बरको मोटरसाइकल शुक्रबार दिउँसो एकआपसमा ठक्कर खाँदा गम्भीर घाइते भएका स्कुटरका चालक सोही महानगरपालिका-७ बस्ने ६२ वर्षीय दिबाकर घिमिरेको नयाँ मेडिकल कलेज भरतपुरमा उपचारको क्रममा मृत्यु भएको छ । दुर्घटनामा घाइते भएका अन्य २ जनाको सोही अस्पतालमा उपचार भइरहेको छ ।
झापा, बाह्रदर्शी गाउँपालिका-२ गच्छीमारीमा मे.१ त ६८२३ नम्बरको ट्याक्टरबाट लडेर गम्भीर घाइते भएका ट्याक्टरमा सवार सोही ठाउँ बस्ने २० वर्षीय सुनिल मुर्मुको मेची अंचल अस्पताल भद्रपुरमा उपचारको क्रममा शुक्रबार दिउँसो मृत्यु भएको छ । ट्याक्टर र चालकलाई प्रहरीले नियन्त्रणमा लिएको छ ।
कैलाली, गोदावरी नगरपालिका-२ तेघरीमा से.७ प ४०७९ नम्बरको मोटरसाइकल अनियन्त्रित भई शुक्रबार राति दुर्घटना हुँदा गम्भीर घाइते भएका मोटरसाइकलमा सवार धनगढी उपमहानगरपालिका-२ बस्ने ४० वर्षीय पदम निधी पण्डितको सेती प्रादेशिक अस्पताल धनगढीमा उपचारको क्रममा मृत्यु भएको छ । दुर्घटनामा घाइते भएका मोटरसाइकलमा सवार हाल नाम, थर, वतन नखुलेका व्यक्तिको सोही अस्पतालमा उपचार भइरहेको छ ।
मोरङ, सुन्दरहरैचा नगरपालिका-८ सलकपुरमा को.३७ प १७ नम्बरको मोटरसाइकल र को.३४ प ६६०२ नम्बरको मोटरसाइकल शुक्रबार राति एकआपसमा ठक्कर खाई दुर्घटना हुँदा को।३७ प १७ नम्बरको मोटरसाइकलका चालक सुन्दरहरैचा नगरपालिका-८ बस्ने २२ वर्षीय बिशाल खत्री र को.३४ प ६६०२ नम्बरको मोटरसाइकलका चालक २३ वर्षीय अर्पण गुरागाईको घट्नास्थलमै मृत्यु भएको छ । साथै दुर्घटनामा घाइते भएका अन्य २ जनाको बिराट नर्सिङ होम बिराटनगरमा उपचार भइरहेको छ ।
यसैगरी मोरङ, बुढीगंगा गाउँपालिका-१ ढाटस्थित सडकमा को.१ ख ७३०९ नम्बरको टिपर र प्रदेश २-०१-००१ प १६०८ नम्बरको मोटरसाइकल शनिबार बिहान एकआपसमा ठक्कर खाई दुर्घटना हुँदा गम्भीर घाइते भएका मोटरसाइकल चालक सप्तरी चन्नी मल्हनिया गाउँपालिका-२ बस्ने २८ वर्षीय हरेराम साह र मोटरसाइकलमा सवार सिरहा सुखिपुर नगरपालिका-२ बस्ने २४ वर्षीय मोहमद अजिर राईनको कोशी अस्पताल बिराटनगरमा उपचारको क्रममा मृत्यु भएको छ । साथै दुर्घटनामा घाइते भएका उक्त मोटरसाइकलमा सवार सप्तरी रुपनी बस्ने १९ वर्षीय धनराज यादवको सोही अस्पतालमा उपचार भइरहेको छ । टिपर र चालकलाई प्रहरीले नियन्त्रणमा लिएको छ ।
मकवानपुर, मनहरी गाउँपालिका-६ सुनाचुरीमा ना.६ ख २३७ नम्बरको ट्रक अनियन्त्रित भई शनिबार बिहान दुर्घटना हुँदा गम्भीर घाइते भएका ट्रकमा सवार रुपन्देही रोहनी नगरपालिका-६ बस्ने २७ वर्षीय अक्बर खानको पुरानो मेडिकल कलेजमा उपचारको क्रममा मृत्यु भएको छ । साथै दुर्घटनामा घाइते भएका ट्रकमा सवार रोहनी नगरपालिका-६ बस्ने ५० वर्षीय मक्बुल महरु मुसलमानको सोही अस्पतालमा उपचार भइरहेको छ । फरार ट्रक चालकको प्रहरीले खोजी गरिरहेको छ ।
सिरहा, मिर्चैया नगरपालिका-२ मल्हनियाँ चोकमा ना.५ ख ४९९२ नम्बरको बसले ज.११ प ६३६४ नम्बरको मोटरसाइकललाई शनिबार दिउँसो ठक्कर दिँदा गम्भीर घाइते भएका मोटरसाइकल चालक कल्याणपुर नगरपालिका-९ डुमरी बस्ने ५५ वर्षीय सुफिलाल यादवको मंगलमा अस्पताल मिर्चैयामा उपचारको क्रममा मृत्यु भएको छ । बस र चालकलाई प्रहरीले नियन्त्रणमा लिएको छ ।
सिन्धुली, कमलामाई नगरपालिका-११ स्थित सडकमा ना.३ त ३८९७ नम्बरको ट्याक्टरको ठक्करबाट पैदलयात्री सोही ठाउँ बस्ने जय बहादुर वाईबाकी छोरी ४ वर्षीया यस्तर वाईबाको शनिबार बिहान मृत्यु भएको छ । ठक्करबाट गम्भीर घाइते भएकी उनको जिल्ला अस्पताल सिन्धुली हुँदै थप उपचारको लागि काठमाडौं लैजाने क्रममा बाटोमै मृत्यु भएको हो । ट्याक्टर र चालकलाई प्रहरीले नियन्त्रणमा लिएको छ । दुर्घटनाका सम्बन्धमा स्थानीय प्रहरीले थप अनुसन्धान गरिरहेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपट्रयाक्टरले किचेर एकको मृत्यु
बैशाख १३, २०८१ बिहिबार
महोत्तरीको मटिहानीमा आगोले बस्ती नै सखाप
बैशाख १२, २०८१ बुधबार
बोलेरोको ठक्करबाट तीन युवकको मृत्यु
बैशाख १२, २०८१ बुधबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
सुनचाँदीको मूल्य घट्यो, कतिमा हुँदै छ किनबेच ?
बैशाख १३, २०८१ बिहिबार
देशभर कक्षा १२ को परीक्षा शान्तिपूर्ण रूपमा हुँदै
बैशाख १४, २०८१ शुक्रबार
भारतमा लोकसभाको दोस्रो चरणको मतदान जारी, १३ राज्यका ८८ सिटमा चुनाव हुँदै
बैशाख १४, २०८१ शुक्रबार
भारी वर्षाले जेलभवन भत्काएपछि भागे १०० बढी कैदी
बैशाख १४, २०८१ शुक्रबार
विशिष्ट व्यक्तिबाहेकका सुरक्षाकर्मी २४ घण्टाभित्र फिर्ता बोलाउन गृहको निर्देशन
बैशाख १४, २०८१ शुक्रबार
अष्ट्रेलियाको समुन्द्र तटबाट १३० व्हेल माछाको उद्दार
बैशाख १४, २०८१ शुक्रबार
कोरियाबाट फर्किएर ‘ड्रागन फ्रुट’ खेती
बैशाख १४, २०८१ शुक्रबार