शेयरबजारको आजको बृद्धि यसकारण छ सकारात्मक, अबको गन्तब्यमा कहाँ निर छ अवरोध ?

५ फाल्गुण, काठमाडाैं ।  आज दोश्रो बजारमा निकै ठुलो चहलपहल देखिएको थियो । बजारमा दोहोरो अंकको वृद्धिसँगै बजारमा कारोवार रकम पनि २ अर्ब ६८ करोड पुगेको छ । आज दोश्रो बजारमा ३४ दशमलव २६ अंकको वृद्धि देखिएको छ ।

दोश्रो बजार २ दशमलव ५१ प्रतिशतले वृद्धि हुँदै १३९८ दशमलव २४ को विन्दुमा बन्द भएको छ । धेरै समयदेखि वाणिज्य बैंकमा ठुलो वृद्धि नदेखिएकोमा आज भने वाणिज्य बैंकको शेयरमा उछाल आउँदा बजारले माथिल्लो दिशा समातेको थियो । बजारमा अण्डर भ्यालूड मानिएको वाणिज्य बैंक उपसुचकमा आएको वृद्धिलाई सकारात्मक रुपमा लिन सकिने जानकार बताउँछन । 

आज सबैभन्दा धेरै ट्रेडिङ्ग उपसुचकमा वृद्धि देखिएको थियो । ट्रेडिङ्ग उपसुचकमा ४ दशमलव ९८ प्रतिशतको वृद्धि देखिएको छ । त्यस्तै वाणिज्य बैंकको उपसुचकमा ३ दशमलव ५८ प्रतिशतको वृद्धि देखिएको छ । आज सबै उपसुचकमा वृद्धि देखिएको छ ।

आज बजारको न्यून विन्दु र खुला विन्दु एउटै रहेको छ । आज बजारले २ बजेर १५ मिनेटमा १४०३ दशमलव २१ को उच्च विन्दु समातेको थियो । आज पनि बजारले बुलिश प्रवृत्ति बनाएको देखिन्छ । आज बजार १४०० को मनोवैज्ञानिक अवरोधलाई तोडेर फेरी १४०० मुनी बन्द भएको छ ।  

आज सर्वाधिक कारोवार हुने, कमाउने र गुमाउने कम्पनीहरु:

प्राविधिक बिश्लेषण :

पहिलो प्रतिरोध : १४०४ पहिलो टेवा : १३८०

• नेप्सेले १३६० को मुख्य प्रतिरोधलाई तोडेपछि बजार आज पनि बढेको छ । कारोबार रकमले आज बजारमा खरिदकर्ताको चाप अत्याधिक मात्रामा रहेको जानकारी गराएको छ ।
• आजको बजारले “बुलिस” मैनबत्तीको चित्र बनाएको छ । यसले बजारमा माग बढेको जानकारी गराउँदछ ।
• दैनिकी अवधिमा “आरएसआई” ७५ दशमलब ४५ को बिन्दुमा छ। यो अक्सिलेटरले बजारमा शेयर बढी खरिद हुन थालेको जनाएको छ ।
• “एडिएक्स” सामान्य रहेको छ भने जोड र बेजोड “डाइरेक्सनल इन्डेक्स”हरुले बजारमा खरिदकर्ताको चाप रहेको  जानकारी गरेको छ ।
• “अन ब्यालेन्स भल्यूम” र बजारको प्रवृत्ति सकारात्मक रहेको जनाएको छ ।
• नेप्से बढेमा पहिलो प्रतिरोध १४०४ को क्षेत्रमा पाउने देखिन्छ र घटेमा पहिलो टेवा १३८० को क्षेत्रमा पाउने देखिन्छ ।