इन्धन आयोजना प्राविधिक समितिको पहिलो बैठक बिहीबार बस्ने

१३ फागुन काठमाडौं । इन्धनका चार आयोजना अध्ययन गर्ने प्राविधिक समितिको बैठक बिहीबार काठमाडौंमा बस्ने भएको छ । नेपाल भारत ग्याँस तथा पेट्रोलियम पूर्वाधार निमार्ण गर्न बनेको संयुक्त कार्यदलले बनाएको प्राविधि समितिको पहिलो बैठक बिहीबार काठमाडौंमा बस्न लागेको हो ।

भारतीय आयल कर्पोरेसन ९आईओसी०ले नेपालमा अघि बढाउन लागेको ग्यास तथा पेट्रोलको विभिन्न परियोजनाको बिस्तृत अध्ययन उक्त प्राविधिक समितिले गर्ने निगमले जनाएको छ । नेपाल आयल निगमले यस अघि नै चार वटा प्राविधिक समिति गठन गरिसकेको छ भने भारतीय आयल निगमले गठन गरेको टोली पनि नेपाल आईपुग्ने छ । बैठकले ४५ दिनभित्र चार आयोजनाको अध्ययन सक्नेबारे योजना बनाउने निगमले जनाएको छ ।

नेपाल-भारत पेट्रोलियम तथा ग्याँस जोईन्ट वर्किङ ग्रुपको पहिलो बैठकमा नेपालका विभिन्न परियोजना अगाडि बढाउन नेपाल र भारतबीच संयुक्त प्राविधिक टोली बनाउन भएको सहमति बमोजित प्राविधिक टोली गठन गरिएको थियो ।