भारतमा भाइरस संक्रमणबाट १० जनाको मृत्यु

महाराष्ट्र र केरलामा सबैभन्दा बढी संक्रमित

११ चैत्र, एजेन्सी । कोरोना भाइरसबाट छिमेकी देश भारतमा कोरोना भाइरसको संक्रमण तीव्र हुँदै गइरहेको छ। मंगलबार बिहानसम्म ५०० जनामा कोरोना भाइरसको संक्रमण देखिइसकेको छ भने १० जनाको संक्रमणका कारण मृत्यु भइसकेको छ।

भारत सरकारले रेल, बससेवा, बजार सबै बन्द गरी लकडाउनको निर्देशन दिए पनि अवहेलना गर्नेहरुको संख्या पनि ठूलो छ। महाराष्ट्र र केरलामा सबैभन्दा बढी संक्रमित भेटिएका छन्।

महाराष्ट्रमा ९७ र केरलामा ९५ जना संक्रमित छन्। नेपालसँग सीमा जोडिएका पश्चिम बंगालमा ७, बिहारमा २, उत्तर प्रदेशमा ३३ र उत्तराखण्डमा ५ संक्रमित भेटिएका छन्।