सातै प्रदेशका मुख्यमन्त्रीसँग प्रम ओलीले भिडियो कन्फरेन्स गर्दै

२९ चैत्र, काठमाडौं । कोरोना भाइरस विरुद्ध प्रभावकारी रुपले लड्न देशका सातै प्रदेशलाई परिचालन गर्ने उद्येश्यले प्रधानमन्त्री केपी ओलीले अहिले सातवटै प्रदेशका मुख्यमन्त्रीहरुसँग भिडियो कन्फरेन्स गर्न लागेका छन् ।

मध्यान्ह् १२ बजे सातवटै प्रदेशका मुख्य मन्त्रीहरुसँगै एकैपटक भिडियो कन्फरेन्स गर्ने तयारीमा रहेको जानकारी प्रधानमन्त्रीका प्रेस सल्लाहकार सूर्य थापाले दिएका छन् ।

कोरोना रोकथामको तयारी र आगामी रणनीतिबारे छलफल केन्द्रित हुने जानकारी पनि प्रेस सल्लाहकार थापाले दिए ।