मनकारी कांग्रेसका युवानेता रामप्रसाद, बिद्यार्थीको डेरा डेरामा राहत पु¥याउँदै

हामीले एक सातादेखि राहत वितरणकाे यो प्रकिया चलाइरहेका छाैँ

२० बैशाख, काठमाडौं । कोरोना भाइरस रोकथाम तथा नियन्त्रणका लागि सरकारले लागु गरेको लकडाउनका कारण समस्यामा परेका विद्यार्थीहरुलाई नेपाली कांग्रेसका युवानेता एवं नेपाल विद्यार्थी संघका पुर्व उपाध्यक्ष रामप्रसाद अधिकारीको नेतृत्वमा नेविसंघका पुर्व केन्द्रिय सदस्य रत्नहरी ढुंगेलसहितका मनकारी विद्यार्थी नेताहरुको एक टोलीले राहत वितरण गरिरहेकाे छ ।

राहत वितरण टोलीले करिब एक सातादेखि खाद्यान्न तथा तरकारीका पोका बोकेर विभिन्न जिल्लाबाट काठमाडौं डेरा गरि बस्ने दर्जनौं विद्यार्थीको डेरामा पुगेर राहत वितरण गरेकाे हाे । लकडाउनका कारण घर फर्कन नपाएका तथा खर्चको अभावमा समस्याग्रस्त विद्यार्थीहरुलाई दाल, चामल, नुन, तेल, चिनी, चियापत्ती र आलु, प्याज र हरियो तरकारीहरु जस्ता खाद्यपदार्थ उपलब्ध गराएको नेता अधिकारीले नेपालबहस डटकमलाई जानकारी दिए ।

समस्यामा परि हामीसँग सहयोगको आग्रह गर्ने साथीहरुका लागि आवश्यक सामाग्री बोकेर हामी उनीहरुको डेरा नै पुग्ने गरेका छौँ कुराकानीमा उनले भने । हामीले एक सातादेखि राहत वितरणकाे यो प्रकिया चलाइरहेका छाैँ, अधिकारीले भने । अझै जारी राख्छौं ।

हालसम काठमाडौं, भक्तपुर र ललितपुरमा डेरा गरि बस्ने करिब २०० विद्यार्थीलाई राहत उपलब्ध गराइसकेका छौँ र उक्त राहत सामाग्रीहरु बाइक तथा स्कुटरमा राखेर फोन गर्दै लोकेसन लिँदै विद्यार्थीको डेरामा पुगे गरेको नेपालबहस डटकमसँग नेता रत्नहरी ढुंगेलले बताए । स्थानीय निकायहरु राजनीतिक स्वार्थमा लिप्त छन्, उनीहरुले बाहिरका विद्यार्थी मजदुर भन्दापनि आफ्ना मतदाताहरुलाई प्राथमिकता राख्ने भएकाले विद्यार्थीको समस्या समाधान गरेको उनले कुराकानीमा भने ।

नेता रत्नहरी ढुंगेलका अनुसार उक्त राहत सामाग्री कहि आफैं जुटाएर उपलब्ध गराएको त कतै समाजसेवी दातामार्फत उपलब्ध गराइएकाे हाे । नेपाली कांग्रेसका युवा नेता एवं नेपाल विद्यार्थी संघका पुर्व उपाध्यक्ष अधिकारीले भन्छन, यो समय सबैले सबै स्वार्थ भन्दा माथि उठेर सकेको मानवीय सेवामा जुट्नुपर्ने बेला हो’ सबै जुट्दा हामीले अफ्ट्यारो भन्दा अफ्ट्यारो परिस्थितिको सामाना गर्न सक्छौ । निस्चय नै यो असजिलो परिस्थितिमा विद्यार्थी मजदुरलाई धेरै समस्याहरु आइपर्छन । हामी साथ दिन तयार छौँ । दुख बाढौं, सुख साटौं ।