कोरोनाका कारण ज्यान गुमाउनेको संख्या ३ पुग्यो

७ जेठ, काठमाडौं । नेपालमा कोरोना (कोभिड–१९) संक्रमणका कारण थप एकजनाकाे निधन भएको छ । गुल्मीका ४१ वर्षीय पुरुषको मृत्यु भएसँगै नेपालमा कोरोनाका कारण मृत्यु हुनेको संख्या तीन पुगेको छ ।

गुल्मी मदाने गाउँपालिका–६ का उनको रूपन्देहीको मणिग्रामस्थित क्रिमसन अस्पतालमा उपचारको क्रममा बुधबार निधन भएको छ । यद्दपि सरकारले यसको आधिकारिक पुष्टि भने गरिसकेको छैन् ।

विगत एक हप्तादेखि ज्वरो आएसँगै टाइफाइटको शंका गरी औषधी सेवन गर्दै आएका मृतक शिक्षकको गत जेठ १ गते अस्पतालमा भर्ना भएपछि गरिएको चेकजाँचका क्रममा उनलाई कोरोना संक्रमण भएको पत्ता लागेको थियो । गत सोमबार कोरोना पुष्टि भएसँगै रूपन्देहीको मणिग्रामस्थित क्रिमसन अस्पतालकाे आईसीयूमा उपचाररत उनी कोरोना पुष्टि हुँदा भेन्टिलेटरमा थिए ।

यसअघि सिन्धुपाल्चोकको बाह्रबिसेकी सुत्केरी र बाँके नरैनापुरका क्वारेन्टाइनमा बसेका पुरुषको पनि कोरोनाकै कारण मृत्यु भएको थियो । दुवै मृतकको रिपोर्ट भने मृत्यु भएपछि भएको परिक्षणबाट मात्र कोरोना पुष्टि भएको थियो ।