कोरोनाले स्वास्थ्य मन्त्रालय चितिन्त, अब आधा मात्र कर्मचारी उपस्थित

८ जेठ, काठमाडौं । स्वास्थ्य तथा जनसंख्या मन्त्रालय कोरोना भाइरसका कारण चितिन्त देखिएको छ । कोरोनाको जोखिम बढेको भन्दै मन्त्रालय चितिन्त हुन थालेपछि अब आधा मात्र कर्मचारी उपस्थित हुन थालेका छन् ।

गत सोमबार इपिमिडियोलोजी तथा रोग नियण्त्रण महाशाखाको एक चिकित्सकलाई कोरोना संक्रमण पुष्टि भएपछि मन्त्रालयले सतर्क भएको हो ।

स्वास्थ्य मन्त्रालयका एक कर्मचारीका अनुसार मन्त्रालयले उपसचिव तहभन्दा मुनिका कर्मचारीलाई एक दिन बिराएर ड्युटीमा आउने व्यवस्था मिलाएको छ । धेरै कर्मचारी आउँदा भिडभाड हुने र जोखिम थप बढ्ने भएकोले आधा कर्मचारीलाई मात्रै मन्त्रालय आउने व्यवस्था मिलाएको हो ।

मन्त्रालयले यो महिनाभरिका लागि यस्तो आलोपालो प्रणाली सुरु गरेको हो । यता स्वास्थ्य सेवा विभागले पहिले पालो प्रणाली नलगाए पनि पहिलेदेखि नै थोरै कर्मचारीबाट काम चलाएको बताएको छ