प्रधानमन्त्री र विज्ञहरुबीच बालुवाटारमा छलफल शुरू

२१ जेठ, काठमाडौं । प्रधानमन्त्री केपी शर्मा ओली र विज्ञहरुको छलफल बालुवाटारमा शुरू भएको छ । लकडाउनको समयावधि बढ्दै जाँदा र संक्रमितहरुको संख्या पनि बढ्दै जाँदा कोरोना भाइरससँग जुध्न अपनाउने रणनीतिबारे छलफल जारी रहेको छ ।

छलपफलमा याेजना, अर्थव्यवस्था, चिकित्सा, नर्सिङ, सामाजिक अभियन्ताहरू सम्मिलित बैठकमा २ दर्जनभन्दा बढी व्यक्तित्वहरूकाे सहभागिता रहेकाे छ । साथै उपप्रधानमन्त्री तथा रक्षामन्त्री, परराष्ट्रमन्त्री, स्वास्थ्यमन्त्री र स्वास्थ्य सचिव  विज्ञहरूकाे पनि परामर्शमा उपस्थिति रहेकाे छ ।

उद्योग क्षेत्रका सरोकारवालाहरुले लकडाउन खोल्न दबाब दिइरहेका बेला प्रधानमन्त्री ओली भने लकडाउन खोलिहाल्नु नहुने पक्षमा रहेको बुझिएको छ।