विश्वभर कोरोनाबाट ३ लाख ९३ हजारकाे मृत्यु, झण्डै ६७ लाख संक्रमित

२३ जेठ, काठमाडौं । विश्वभर कोरोना भाइरसका कारण मृत्यु हुनेहरुको संख्या ३ लाख ९३ हजार नाघेको छ । शुक्रबार बिहानसम्म ३ लाख ९३ हजार १४२ जनाको कोरोना भाइरसको संक्रमणबाट मृत्यु भएको छ ।

हालसम्म विश्वभर झण्डै ६७ लाख मानिसहरु संक्रमित भएका छन् । उनीहरु मध्ये ३२ लाख ४२ हजार भन्दा धेरै संक्रमित निको भएर अस्पतालबाट डिस्चार्ज भएका छन् । अहिले ३० लाख ५८ हजार भन्दा धेरै संक्रमितको उपचार भइरहेको छ । उनीहरु मध्ये ५५ हजार ४६१ जना गम्भीर अवस्थामा छन् ।

कोरोना भाइरसको संक्रमणका कारण सबैभन्दा धेरै मानिसको मृत्यु अमेरिकामा भएको छ । अमेरिकामा १९ लाख २४ हजार भन्दा धेरै संक्रमित भएका अवस्थामा १ लाख १० हजार १७३ मानिसको मृत्यु भएको छ ।

यस्तै ब्राजिलमा ६ लाख १५ हजार भन्दा धेरै संक्रमित छन् भने ३४ हजार मानिसको मृत्यु भएको छ । बेलायतमा झण्डै ४० हजार मानिसको मृत्यु भएको छ । त्यहाँ २ लाख ८१ हजार भन्दा धेरे संक्रमित छन् ।

यस्तै इटालीमा ३३ हजार ६८९, स्पेनमा २७ हजार १३३, फ्रान्समा २९ हजार ६५ मानिसको मृत्यु भएको छ । संक्रमणका हिसाबले विश्वको सातौँ नम्बरमा रहेको छिमेकी मुलुक भारतमा ६ हजार ३ सय भन्दा धेरै मानिसको मृत्यु भएको छ ।भारतमा २ लाख २६ हजार भन्दा धेरै संक्रमित छन् ।