गुल्मीमा आज थप ४६ जनामा कोरोना सङ्क्रमण पुष्टि

४ असार, काठमाडाैं । गुल्मीमा १०५ जनामा कोरोना सङ्क्रमण पुष्टि भएको छ । प्रादेशिक जनस्वास्थ्य प्रयोगशाला भैरहवामा गरिएको स्वाब परीक्षणमा आज थप ४६ जनामा कोरोना सङ्क्रमण पुष्टि भएपछि सङ्ख्या बढेको हो ।

गाउँपालिका छत्रकोटमा २४, चन्द्रकोटमा १७, गुल्मीदरबारमा दुई एवं सत्यवती र रुरुक्षेत्रमा एकएक तथा नगरपालिका रेसुङ्गामा एक जनामा सङ्क्रमण पुष्टि भएको स्वास्थ्य कार्यालयका सूचना अधिकारी पशुपति आचार्यले जानकारी दिए । उनीहरु भारतबाट फर्केर क्वारेन्बटाइनमा बसेका व्यक्ति रहेको बताइएको छ ।