थप एक जनाको मृत्यु, नेपालमा कोरोना मृत्तकको संख्या २५ पुग्यो

११ असार, काठमाडौं । नेपालमा कोरोना भाइरसले मृत्यु हुनेको संख्या २५ पुगेको छ । बिहीबार बिहान ललितपुरको पाटनमा थप एक जनाको मृत्यु भएपछि नेपालमा कोरोना मृत्तकको संख्या २५ पुगेको हो ।

चितवन घर भई ललिपुरको महालक्ष्मी स्थानमा बस्दै आएका उनको पाँच महिना अगाडि मिर्गौला प्रत्यारोपण गरिएको थियो । उनलाई कोरोना संक्रमणको पुष्टि भएपछि पाटन अस्पतालको आइसोलेसन सेन्टरमा उपचार हुँदै आएको थियो ।

तर बिहीबार अचानक उनको मृत्यु भएको डाक्टरहरुले बताएका छन । यसअघि नै कोरोना संक्रमण देखिएपछि आइसोलेसनमा भर्ना भएका उनको मृत्यु भएपछि मृत्तकको संख्या २५ पुगेको हो । यद्यपी स्वास्थ्य तथा जनसंख्या मन्त्रालयले यसको औपचारिक पुष्टि गर्न बाँकी छ ।

अहिलेसम्म नेपालमा कोरोना संक्रमितको संख्या साढे १० हजार नाघेको छ भने तीमध्ये दुई हजार बढी उपचारपछि निको भएर घर फर्किएका छन ।