कर्णालीमा कोरोना संक्रमितको संख्या १४७४ पुग्याे

१८ असार, सुर्खेत । कर्णालीमा कोरोना संक्रमितको संख्या १४ सय नाघेको छ । आज थप ६ जना कोरोना संक्रमित थपिएसँगै कोरोना संक्रमितको संख्या १४७४ पुगेको हो

पछिल्लो २४ घण्टामा भेरी अस्पताल नेपालगञ्ज बाँके र कर्णाली स्वास्थ्य विज्ञान प्रतिष्ठान जुम्लामा गरिएको पीसीआर परीक्षणमा कोरोना संक्रमण पुष्टि भएको हो । संक्रमितमध्ये सुर्खेतका ३ जना, दैलेख, कालीकोट र स्याङजाका एक र एक जना रहेका छन् ।

सुर्खेतको वीरेन्द्रनगर नगरपालिका वडा नं। ३, ४ र ८ का एक महिलासहित तीन जना, दैलेखको महाबु गाउँपालिका, कालीकोटको पलाँता गाउँपालिका र स्याङजाको वालिङ नगरपालिकाका एक र एक जना पुरुष रहेका छन ।

कर्णालीमा थप ४९ जना डिस्चार्ज भएका छन । यससँगै डिस्चार्ज हुनेको संख्या ११२७ पुगेको छ भने ६ जनाको मृत्यु भएको छ । अब आइसोलेसनमा ३४१ जना मात्रै रहेका छन् ।