अनलाईन कक्षा लिनेले अमेरिका बस्न नपाउने

२३ असार, काठमाडौं । अमेरिकामा अनलाईन कक्षा लिनेले बस्न नपाउने भएका छन । पूर्णरुपमा अनलाइनमार्फत अध्ययन गर्दै आएका विदेशी विद्यार्थीहरु अब अमेरिकामा बस्न नपाउने भएका हुन ।

अमेरिकाको इमिग्रेसन एण्ड कस्टम एजेन्सीले अलाईन कक्षा लिने विद्यार्थीको भिसा फिर्ता लिन लागेको हो । अमेरिकाको यो नयाँ आप्रवासन नीतिबाट धेरै विदेशी छात्रहरु समस्यामा पर्ने देखिएको छ । नियमअनुसार नफर्किनेलाई जबर्जस्ती फर्काइने पनि अमेरिकाले जनाएको छ ।

अमेरिकी विश्वविद्यालयहरुमा धेरैजसो विदेशी विद्यार्थी छन । अमेरिकाका धेरैजसो विश्वविद्यालयहरुले कोरोना संक्रमणको जोखिमका कारण अनलाइन कक्षा सन्चालन गर्दै आएका छन् ।