सञ्चारमाध्यमको अश्लील सामग्रीप्रति भारतलाई नेपालको ‘कुटनीतिक’ नोट

काठमाडौं । नेपालका प्रधानमन्त्री केपी शर्मा ओली र नेपालका लागि चिनियाँ राजदूत होउ यान्छीलाई जोडेर अश्लील सामग्री बनाएका भारतीय सञ्चारमाध्यमका विषयमा सरकारले भारत सरकारको ध्यानाकर्षण गराउदै कुटनीतिक नोट पठाएको छ ।

परराष्ट्र मन्त्रालयले भारतीय सञ्चारमाध्यमलाई नेपाली राजनीतिबारे बनाइएको अश्लील सामग्रीबारे गम्भिर ध्यानाकर्षण भएको भन्दै भारतलाई कुटनीतिक नोट पठाएको हो ।

परराष्ट्र मन्त्रालयले दिल्लीस्थित नेपाली दूतावासमार्फत पठाएको ध्यानाकर्षण पत्रमा नेपालबारे प्रसारित अश्लील सामाग्रीमाथि कदम चाल्न र आगामी दिनमा यस्ता सामाग्रीले स्थान नपाउने सुनिश्चित गर्न माग माग गरेको छ ।

यसअघि नेपाल प्रेस काउन्सिलले पनि भारतीय सञ्चारमाध्यमलाई उच्छृृंखल गतिविधि बन्द गर्न माग गरेको थियो । तर नेपाली च्यानल वितरक कम्पनीले भारतीय समाचार च्यानल नै बन्द गरिदिएपछि यो विषयमा झन गर्माएको छ ।