क्वारेन्टाईनबाट भागेका व्यक्ति मृत फेला

४ साउन, कैलाली । क्वारेन्टिनबाट भागेका व्यक्ति कैलालीमा मृत भेटिएका छन । कैलालीको गोदावरी नगरपालिकाका ४५ वर्षीय शेरबहादुर आउजी मृत फेला परेको प्रहरीले जनाएको छ । आउजीको शव गोदावरी नगरपालिका वडा नम्बर ८ स्याउलेको सूर्यदय सामुदायीक वनमा फेला परेको थियो ।

उनी गत साउन १ गते मात्रै भारतबाट फर्किएर गोलादेवी विद्यालयमा स्थापना गरिएको क्वारेन्टिनमा बस्दै आएका थिए । मृतक पुरुष आइतबार बिहानै क्वारेनटिनबाट भागेको गोदावरी नगरपालिकाकी उपप्रमुख रत्ना कडायतले बताइन् ।

अहिले प्रहरीको टोली घटनास्थल पुगेर अनुसन्धान गरिरहेको जिल्ला प्रहरी कार्यालय कैलालीले जनाएको छ।