किन बाेलायाे सनराईज बैंकका सञ्चालकलाई राष्ट्र बैंकले ?

११ साउन, काठमाडौं । पछिल्लो समय सीईओको राजीनामालाई लिएर सनराइज बैंकमा देखिएको आन्तरिक विवादका विषयमा नेपाल राष्ट्र बैंकमा छलफल भएको छ । राष्ट्र बैंकको बैंक तथा वित्तीय संस्था नियमन विभागका अधिकारी र सनराइज बैंकका सञ्चालकबीच छलफल भएको हो ।

बालुवाटारमा आज दिउँसो एक घण्टा छलफल भएको राष्ट्र बैंकका अधिकारीले बताएका छन् । राष्ट्र बैंकमा सकारात्मक छलफल भएको र अहिले देखिएको विवाद अब छिट्टै समाधान हुने अपेच्क्षा सनराइज बैंकका सञ्चालकको छ ।

बैंकका सीईओको राजीनामा, सञ्चालकबीच आन्तरिक विवाद लगायतका विषयमा सञ्चारमाध्यममा समाचार आएपछि राष्ट्र बैंकले छलफलका लागि सातै जना सञ्चालकहरुलाई बालुवाटार बोलाएर जानकारी लिएको हो ।