भुसको आगो झै कोरोना फैलिदा पनि सरकार भजनमा मस्त : गगन थापा

१६ साउन, काठमाडौं । नेपाली कांग्रेसका युवा नेता गगन थापाले कोरोना भाइरसले महामारीकै रुप लिदा पनि सरकार गम्भिर नभएको आरोप लगाएका छन् । प्रधानमन्त्री पार्टीको खिचातानीमा व्यस्त हुने तर जनताको स्वास्थ्यसँग जोडिएको कोरोना नियन्त्रणमा गम्भिर नभएको गगनको आरोप छ ।

पूर्व स्वास्थ्यमन्त्री समेत रहेका थापाले वर्तमान स्वास्थ्यमन्त्री भानुभक्त ढकाल कामभन्दा बढी अनियमिततामा रुमल्लिएको बताए । ट्वीटरमा प्रधानमन्त्रीलाई मेन्सन गर्दै थापा ट्वीटमा लेख्छन, ‘प्रधानमन्त्री ज्यू पार्टीको खिचातानीमा व्यस्त ! स्वास्थ्यमन्त्री गज्जबको काम गरेँ भन्दै भजन गाउन मस्त ! भुसको आगो झै संक्रमण फैलिएको छ, सरकार न परीक्षण बढाउँछ न अस्पताल केन्द्रित तयारी गर्छ।’

जनताको स्वास्थ्यमा बेवास्ता गर्ने सरकारको गैरजिम्मेवार अति भो थापाको निष्कर्ष छ । सरकार अझै गम्भिर नभए कोरोना महामारीले थप भयावह अवस्था लिने उनको भनाई छ ।