उच्च अदालतका न्यायाधीशमा संक्रमण

१६ साउन, काठमाडौं । जनकपुरमा उच्च अदालतका न्यायाधीशमा कोरोना संक्रमण पुष्टि भएको छ। शुक्रबार ५० वर्षीय न्यायाधीशमा शुक्रबार कोरोना भाइरसको संक्रमण पुष्टि भएको हो ।

गत साउन १३ गते उच्च अदालतका न्यायाधीशसहित २२ जना कर्मचारीको स्वाब संकलन गरिएको थियो । जसमा न्यायाधीशमा पनि संक्रमण भएको पुष्टि भएको हो । संक्रमित न्यायाधीश क्वार्टरमै आइसोलेसनमा बसेका छन् ।

न्यायाधीशमा संक्रमण पुष्टि भएपछि उच्च अदालत जनकपुरले केही आपतकालका कामबाहेक अदालत नै साउन ३१ गतेसम्मका बन्द गरेको छ ।