कोटेश्वरमा फैलियो कोरोना

२६ साउन, काठमाडौं । कोरोनाको हटस्पट बनेको काठमाडौंमा समुदायस्तरमै कोरोना फैलिन थालेको छ । काठमाडौं महानगरपालिका ३२ कोटेश्वरको असर्फी टोलका समुदायमा कोरोना फैलिएपछि टोल नै सील गरिएको छ ।

साउन १८ गते किराना पसल सञ्चालक चार जनामा कोरोना पुष्टि भएपछि आसपासका घरमा बस्नेको स्वाब संकलन गरी पिसिआर परीक्षण गर्दा थप १३ जनामा कोरोना देखिएको हो।

आइतबार १३ जनामा कोरोना पुष्टि भएकामध्ये १० जनालाई कीर्तिपुर र टेकुस्थित अस्पतालमा आइसोलेसनमा राखिएको छ। तीन जनालाई भने उनीहरूकै घरमा राखिएको हो।

वडाको पहलमा एक सय ४० जनाको स्वाब संकलन गरी पिसिआर परीक्षणका लागि पठाइएकोमा अहिलेसम्म १३ जनामा कोरोना पुष्टि भएको छ हो । अरुको रिर्पोट आउन बाँकी छ ।