थप १७ जना ट्राफिक प्रहरीलाई कोरोना

४ भदौ, काठमाडौं । थप १७ जना ट्राफिक प्रहरीमा कोरोना संक्रमण पुष्टि भएको छ । प्रहरी अस्पताल, महाराजगञ्जमा गरिएको परीक्षणमा महानगरीय ट्राफिक प्रहरी महाशाखाका थप १७ जनामा कोरोना पुष्टि भएको हो ।

संक्रमित प्रहरीलाई क्वारेन्टाइनमा राखिएको छ । यसअघि पनि महाशाखाका दुई जनालाई संक्रमण देखिएपछि एसएसपी भीमप्रसाद ढकालसहित ३७५ जना क्वारेन्टाइनमा बसेका थिए । केही समयअघि प्रहरी हेडक्वार्टरका एक सयभन्दा धेरै प्रहरीलाई कोरोना देखिएको थियो ।