नेकपा कार्यदलको बैठक बालुवाटारमा

४ भदौ, काठमाडौं । झण्डै पाँच महिनादेखि बल्झिएको संकट समाधानका लागि सत्तारुढ नेकपाको कार्यदल बैठक बालुवाटारमा बसिरहेको छ । अध्यक्षद्धय प्रधानमन्त्री केपी शर्मा ओली र पुष्पकमल दाहाल प्रचण्डबीचको विवाद समाधानका लागि गठित कार्यदलले बालुवाटारमा छलफल गरिरहेको हो ।

बैठकमा कार्यदलका ६ जना सदस्य नै सहभागि छन् । गएको शुक्रबार पार्टीका महासचिव विष्णु पौडेलको संयोजकत्वमा कार्यदल गठन भएको थियो । कार्यदलले पार्टी विभाजन हुन नदिने, पार्टी भित्र देखिएका समस्या समाधान, अन्तरद्धन्द्ध व्यवस्थापन लगायतका विषयमा आफ्नो सुझाव तयार पारेर अध्यक्षद्धयलाई बुझाउनेछ ।

कार्यदललाई नेकपाको सचिवालय बैठकले समेत अनुमोदन गरेको छ । कार्यदलले विवाद समाधानका लागि ओलीको कार्यशैली सुधार्नुपर्ने, मन्त्री हेरफेर गर्नुपर्ने र शक्ति बाँडफाँडमा बराबरी गर्नुपर्ने सुझाव दिने तयारी गरेको छ ।