बजारमा कुखुरा भन्दा मुसाको मासु किन्न भीड

१७ भदौ, एजेन्सी । हामिले कुखुरा र खसीको मासु धेरै मनपराउने गर्छौ । बजारमा पनि कुखुराको मासु किन्ने मानिसहरुको भीड लाग्ने गर्छ । तर यस्तो ठाउँ पनि छ जहाँ मुसाको मासु किन्न भीड लाग्ने गर्छ ।

भारतको उत्तरपूर्वी क्षेत्रका मानिसहरुले पहिले कुखुराको मासु रुचाउने गर्थे । तर पछि भने मुसाको मासु मनपराउन थाले । असमको बक्सा जिल्लाको कुमारिकता गाउँका मानिसहरुले खेती गरेर गुजारा चलाउने गर्दथे ।

त्यहाँका किसानले खेतमा अन्न लगाउथे । तर मुसा आएर सत्यनास बनाउथ्यो । दिनहु मुसाले हैरान पारेपछि त्यहाँका गाउँलेले नयाँ जुक्ती सोचे । उनीहरले रातिमा खेतमा गएर मुसा मार्न थाले । मारेको मुसालाई उनीहरुले बजारमा बेच्न थाले ।

मुसाको मासुको बारेमा थाहा पाएपछि मानिसहरुले किनेर खान थाले । मानिसहरुले कुखुराको मासु खान छोडेर मुसाको मासु किन्न थाले । मानिसहरुले मुसाका विभिन्न परिकारहरु बनाएर खान थाले ।

त्यहाँका किसानले मुसा २ सय रुपैयासम्ममा बेच्ने गरेको बताइन्छ । अहिले उक्त स्थानमा बढी मुसाको मासु मन पराउने गर्छन् । त्यहाँका मानिसहरुले एक रातमा २० केजीसम्म मुसा मार्ने गरेको बताइएको छ ।