काठमाडौंमै छुरा प्रहार गरी श्रीमतिको हत्या

१९ भदौ, काठमाडौं । श्रीमतीलाई छुरा प्रहार गरेर हत्या गरेको आरोपमा काठमाडौंको अनामनगरबाट एक जना पक्राउ परेका छन् । बर्दियाको बाँसगढी–९ घर भएका ३६ वर्षीय अजय विक श्रीमतिको हत्या गरेको आरोपमा पक्राउ परेका हुन् ।

उनले श्रीमती ३३ वर्षीया पार्वती खड्कालाई छुरा प्रहार गरेर हत्या गरेको आरोप छ । महानगरीय प्रहरी वृत्त, सिंहदरबारको टोलीले उनलाई सोमबार बेलुकी पक्राउ गरेको हो । घरायसी विवादमा झगडा हुँदा हत्या भएको प्रहरीको अनुमान छ ।