विराटनगरको कोशी अस्पतालमा महिलाको मृत्यु

२६ भदौ, विराटनगर । मोरङको विराटनगरमा कोरोना संक्रमित महिलाको मृत्यु भएको छ। कोशी अस्पतालमा शुक्रबार साँझ उपचार गराईरहेकी वृद्धाको मृत्यु भएको हो ।

मोरङको ग्रामथान गाउँपालिका २ की ७० वर्षीया वृद्धाको उपचारका क्रममा मृत्यु भएको अस्पतालले जनाएको छ । बिहीबार संक्रमण पुष्टि भएपछि उनलाई उपचारका लागि रातिनै कोभिड अस्पताल भर्ना गरिएको थियो। आईसीयूमा राखेर उपचार थालिए पनि बचाउन नसकिएको सिग्देलले बताए।

वृद्धमा ज्वरो आउने र श्वास फेर्न गाह्रो हुने लगायतका धेरै समस्या देखिएको थियो । यससँगै विराटनगरमा कोरोनाले मृत्यु हुने संक्रमितको संख्या १७ पुगेको छ।