मकवानपुरमा मृत्यु भएका व्यक्तिमा कोरोना पुष्टि

३० भदौ, हेटौंडा । मकवानपुरमा मृत्यु भएक एक व्यक्तिमा कोरोना भाइरसको संक्रमण पुष्टि भएको छ । मनहरी गाउँपालिका–८ सिमपानीमा मृत्यु भएका ६८ वर्षीय पुरुषमा कोरोना संक्रमण पुष्टि भएको हो ।

मृतकको नेपाली सेनाले शव व्यावस्थापन गरेको छ । कोरोना संक्रमितको सव व्यवस्थापन एकै स्थानमा गर्ने गरी स्थान तय गरिएको र सेनाले व्यावस्थापन गरेको मनहरी गाउँपालिकाका अध्यक्ष एकराज उप्रेतीले बताए । उनका अनुसार मृत्यु भएका पुरुष दम र मुटुको रोगबाट पीडित थिए भने उनी दुई दिनदेखि बिरामी थिए । यस्तै मकवानपुरमा मंगलबार एकै दिन ६१ जनामा कोरोना भाइरस संक्रमण पुष्टि भएको छ ।