कुलमानलाई पुनर्नियुक्ति माग गर्दै माइतीघरमा प्रदर्शन

३१ भदौ, काठमाडौं । नेपाल विद्युत प्राधिकरणमा कुलमान घिसिङलाई पुनर्नियुक्तिको माग गर्दै बुधबार माइतीघरमा प्रदर्शन  भएको छ । मंगलबार प्राधिकरणले कुलमानको बिदाइ गरेसँगै उनका समर्थकहरुले पुनर्नियुक्तिको माग गर्दै  काठमाडाैं उपत्यकाको माइतीघरलगायतका स्थानमा प्रदर्शन गरिएकाे हाे ।

आज दिउँसो माइतीघरमा भेला भएका कुलमानका समर्थकहरुले सरकारलाई पुनर्नियुक्तिको दवाव दिँदै नाराबाजी गरेका हुन् । सो क्रममा प्रहरीले हस्तक्षेप गर्दै आन्दोलनकारीलाई पानीको फोहराका साथै लाठीचार्ज गरेको छ । गत आइतबार कार्यकाल सकिएका कुलमान घिसिङलाई प्राधिकरणले मंगलबार बिदाइ गरेको हो ।