मजदुरी गरेर जीविकोपार्जन गर्ने महिलाको तरूण दल अध्यक्ष विष्टले गरिदिए पित्तथैलीको अप्रेशन

१ असोज, सुर्खेत । नेपाल तरूण दल सुर्खेतका अध्यक्ष हरि विष्टले कोभिड १९ बढेदेखि जिल्लामा विपन्न, अशक्त र मजदुरी गरेर जीविकोपार्जन गर्ने परिवारलाई निरन्तर सहयोग गर्दै आएका छन् ।

घरमा चुलो नबलेको परिवारले सिधै मलाई सम्पर्क गर्नु भनेर उनले भनेका थिए र कसैले फोन गर्ने बित्तिकै खाद्यान्न लिएर घरसम्मै पुग्ने गरेका छन् ।

अध्यक्ष विष्टले हालै वीरेन्द्रनगर नगरपालिकाकी आर्थिक अवस्था नाजुक भएकी शिला नेपालीको सुर्खेत अस्पतालमा ३० हजार खर्चिएर पत्थरीको अप्रेशन गरिदिएका छन् । गिट्टी कुटेर दैनिकी चलाइरहेकी नेपालीका २ छोरी र १ छोरा रहेका छन् ।

आर्थिक अवस्था कमजोर भएर लामो समयदेखि अप्रेशन हुन नसक्दा निकै दुख भएको र आज भगवानको अवतार बनि दोस्रो जन्म दिएको जस्तो अनुभुति आफूले गरेको नेपालीले बताइन् ।