त्रिशुली नदीमा खसेको ट्याङ्करमा आगलागी

४ असोज, काठमाडौं । त्रिशुली नदीमा ट्यांकर खसेर आगलागी भएको छ । ना ४ ख २८२२ नम्बरको पेट्रोल बोकेको ट्याङ्कर गल्छी गाउँपालिका–६ चरौँदीबाट त्रिशूली नदीमा खसेर आगलागी भएको छ ।

ट्याङ्कर चालक र सहचालक कहाँ छन् ? भन्ने कुनै जानकारी नभएको ट्राफिक प्रहरी कार्यालय गजुरीका प्रहरी निरीक्षक नेत्र भट्टले जानकारी दिए । नदीमा खसेको ट्याङ्कर पानीमा डुबेको छ भने केही भाग देखिएको छ ।

उत्रिएको भाग जलिरहेको छ । अहिले प्रहरीले आगो निभाउने काम गरिरहेको छ ।