नेपालबहसमा प्रकाशित समाचारको प्रभाव:- अल्मलियो थप गर्न खोजिएको डीआईजी दरबन्दी

१२ असोज, काठमाडौं । गतसाता नेपालबहसमा प्रकाशित लेखको प्रभावकै कारण प्रधानमन्त्री केपी ओलीले आफ्नै चासोमा नेपाल प्रहरीको दरबन्दी थप गर्ने प्रक्रिया तत्कालका लागि स्थगित गरेका छन् ।

पछिल्लो पटक प्रधानमन्त्री भएपछि विविध कारणवश नेपाल प्रहरीका एआईजी र डीआईजी दरबन्दी बिना अध्ययन कटौती गरेका प्रधानमन्त्री ओलीले कुन लहडका कारण हो, डीआईजी दरबन्दी थप गर्ने प्रक्रिया अघि बढाउन तालुक निकायलाई आदेश दिएका थिए ।

आफ्नै आदेशसँगै बढुवा प्रक्रियाको प्रस्ताव मन्त्रिपरिषद्मा आउँदा पनि प्रधानमन्त्री ओलीले हाल उक्त प्रस्ताव बारे निर्णय गर्न अलमलिएका छन् ।

बिना औचित्य दरबन्दी कटौती गरिएको र कटौती गरिएको दरबन्दी छ महिनामै थप गर्न खोजिएपछि चौतर्फी आलोचना हुने ठानेरै प्रधानमन्त्री ओलीले उक्त प्रस्ताव उपर निर्णय त परैको कुरा मन्त्रिपरिषदको वैठकमा छलफलसम्म गर्न चाहेका छैनन् ।

वालुवाटार निकट स्रोतका अनुसार छ महिना अघि मात्र बिना औचित्य हचुवाका भरमा कटौती गरेको डीआईजी दरबन्दी फेरि बिना आधार थप गर्ने तयारीले एकातिर प्रहरी संगठनमा असन्तुष्टि पैदा गर्ने र बढुवाका आकांक्षीबीच पनि फोहोरी प्रतिस्पर्धा चल्ने ठानेरै स्वयम् प्रधानमन्त्री ओलीले नै उक्त प्रस्ताव हाललाई यथास्थितिमा राख्न निर्देशन दिएको बताइएको छ ।

हेर्नुस्, नेपालबहसमा प्रकाशित एकै आशयका दुई फरक लेख:-

♦ यही हो राज्यको दायित्व, खाेई नागरिकको न्यूनतम अधिकार ?

♦ प्रधानमन्त्रीज्यू ! प्रहरी सम्बन्धमा कति छिट्टो ‘डवल स्याण्डर’