आज पर्सा, बारा र रौतहटका ९ जनाले जिते काेराेना

१३ असोज, पर्सा । नेशनल मेडिकल कलेज अस्थायी कोरोना अस्पतालबाट दोश्रो पटक कोरोना जितेर पर्सा, बारा र रौतहटका ९ जना कोरोना मुक्त भएका छन । कोरोना मुक्त भएका पर्साका बदीराम चमार, लालबाबु चौरसिया, आनन्द गिरि , बिरेन्द्र शाह, दोरोपती देवी, जिल्ला बारा का लक्षमी देवी, शुभनारायण शाह, र रौतहटका सुरेश यादव, दिपेन्द्र प्रसाद यादव रहेका छन ।

असोज ५ गते पीसीआर चेक गर्दा कोरोना पुष्टि भएको थियो । नेशनल मेडिकल कलेज अस्थायी कोरोना अस्पताल मा ५ गते भर्ना भएका ४२ जनामा मध्ये एक सातापछि मंगलबार  ९ जनाको कोरोना नेगेटिभ रिपोर्ट आएपछी अस्पताले उनीहरुलाई बिदाई गरेको अस्पतालका निर्देशक डा. प्रमोद सरार्फ चिकित्सक असरफ अनसारीले बताए ।

डिस्चार्ज गर्ने क्रममा अस्थायी कोरोना अस्पतालका व्यवस्थापक आबीद अन्सारी र उनका चिकित्सकहरुद्धारा फुल माला लगाई विदाई गरीएको छ । प्रदेश नंं.२ कै सबै भन्दो ठूलो अस्पतालको रुपमा सञ्चालन गरीएको अस्पतालको हाल बेड क्षमता १८० रहेको छ । जस मध्ये १६ वटा आई।सी।यु सेवा , १० वटा भेन्टीलेटर, लगायतका सेवा रहेका छन् ।

यसपछि चरणबद्ध रुपमा संक्रमीतहरुको संख्या अनुसार बेड संख्या पनि बढाउने मेडिकल श्रोतले जनाएको छ । यस कोरोना अस्पतालको बेड संख्या ५०० देखी ७०० सम्म्को बनाउने लक्ष्य रहेको पनि मेडिकलले जनाउको छ । अस्पतालका प्रबन्धक निर्देशक बसरुद्दिन अन्सारीका अनुसार अस्पतालमा आउने कोरोना संक्रमीतहरुलाई अस्पतालले सम्पूर्ण सेवा निःशुल्क दिने छ ।