हङकङले किन रोक्यो नेपाल एयरलाइन्सको उडान ?

२० असोज, काठमाडौं । हङकङले नेपाल एयरलाइन्सको उडानलाई १५ दिनका लागि ठप्प पारिदिएको छ । प्रोटोकलमा गल्ती गरेपछि नेपाल एयरलाइन्सको उडान अनुमति उसले दुई साताका लागि रद्द गरिदिएको हो ।

नेपाल एयरलाइन्सकी प्रवक्ता अर्चना खड्काका अनुसार नेपालबाट कोरोना परीक्षण पीसीआर रिर्पोट नेगेटिभ आएकै यात्रुमा हङकङ पुगेपछि कोरोना पोजेटिभ रिर्पोट आएको थियो ।

नेपालबाट अधिकतम ७२ घण्टा अगाडिसम्मको पीसीआर रिपोर्ट देखाएमा हङकङ जान पाइने प्रावधान थियो । तर, हङकङ पुगेका यात्रुमा कोरोना देखिएपछि नेपाल एयरलाइन्स कारवाहीमा परेको हो ।

यात्रुले लापरवाही गर्दा नेपाल एयरलाइन्स कारवाहीमा परेको हो । ४ अक्टोबरबाट लागेको प्रतिवन्ध अब १७ अक्टोवरमा मात्र फुकुवा हुने छ । त्यतिबेला नेपाल एयरलायन्सले उडान गर्न पाउने छैन् । अरु देशमा भने उडान भर्न पाउनेछ ।