मोरङमा संक्रमणबाट थप तीनको मृत्यु

२७ असोज, मोरङ । मोरङमा कोरोना भाइरस संक्रमणबाट थप तीनको मृत्यु भएको छ । बिपी कोइराला स्वास्थ्य विज्ञान प्रतिष्ठानको कोभिड अस्पतालमा २ महिला र एक पुरुषको मृत्यु भएको प्रतिष्ठानका सहप्रवक्ता डा. आशिष श्रेष्ठ जानकारी दिए ।

सहप्रवक्ता डा.  श्रेष्ठका अनुसार मृत्यु हुनेमा सुनसरीको दुहवीका ६४ वर्षीय एक पुरुष , धनकुटाकी ६१ वर्षीया एक महिला र धरान–८ की एक महिला रहेका छन् ।

दुहवीका पुरुष गत असोज १४ गते कोभिड अस्पताल भर्ना भएका थिए ।उनी मिर्गौलाको समस्याबाट ग्रसित रहेका थिए । त्यस्तै ,अर्का ६१ वर्षीया मृत्यु भएको महिलामा पनि मधुमेहको समस्या रहेको प्रतिष्ठानले जनाएको छ ।