अस्पतालबाट हाम फालेका युवकको मृत्यु

३ कात्तिक, काठमाडौं । काठमाडौंको सिनामंगलमा रहेको काठमाडौं मेडिकल कलेज केएमसीमा एक जनाको मृत्यु भएको छ । अस्पतालको तेस्रो तलाबाट हाम फालेका युवकको मृत्यु भएको हो ।

सोलुखुम्बुका २६ वर्षीय रोशन खड्काले सोमबार बिहान अस्पतालको तेस्रो तलाबाट हाम फाल्दा गम्भिर घाइते भएका थिए । गम्भिर घाइते भएका उनको उपचारको क्रममा मृत्यु भएको प्रहरीले जनाएको छ ।

घरमा हात, खुट्टा पोलेपछि खड्कालाई उनकी आले आइतबार मात्रै केएमसीमा भर्ना गरेकी थिइन् । सोमबार बिहान आमा औषधि किन्न गएका बेला खड्काले हाम फालेका थिए । घटनाबारे थप अनुसन्धान भइरहेको प्रहरीले जनाएको छ ।